Chanakya Niti: জীৱনলৈ বেয়া সময় অহাৰ পূৰ্বে লাভ কৰিব এই ৪টা সংকেত! চাণক্য নীতিৰ পৰা জানক…

চাণক্য নীতি

Signs of struggle: আচাৰ্য চাণক্য কেৱল এজন মহান অৰ্থনীতিবিদ আৰু ৰাজনীতিবিদ হিচাপেই নহয়, দূৰদৰ্শী হিচাপেও পৰিচিত। তেওঁ নিজৰ নীতি গ্ৰন্থত জীৱনৰ প্ৰতিটো দিশৰ ওপৰত গুৰুত্ব প্ৰদান কৰিছে। চাণক্য নীতিৰ মতে যেতিয়া কোনো ব্যক্তি বা তেওঁৰ পৰিয়ালৰ ওপৰত বেয়া সময় আহিবলৈ ওলাইছে তেতিয়া প্ৰকৃতি আৰু চাৰিওফালৰ পৰিৱেশে এনে সংকেত দিবলৈ আৰম্ভ কৰে।

যিবোৰ আওকাণ কৰাটো বিপৰ্যয়জনক হ’ব পাৰে। চাণক্যই বিশ্বাস কৰিছিল যে, যিসকলে এই লক্ষণসমূহ সময়মতে চিনি পায় আৰু ইয়াৰ পৰা আঁতৰি থাকে তেওঁলোকে আগতীয়া প্ৰতিকূলতাৰ প্ৰভাৱ বহু পৰিমাণে হ্ৰাস কৰিব পাৰে। যদি আপুনি আপোনাৰ ঘৰত এই তিনিটা নিৰ্দিষ্ট সংকেত লক্ষ্য কৰে তেন্তে বুজি লওক যে আপুনি তৎক্ষণাত সজাগ হোৱাটো প্ৰয়োজন।

নেতিবাচক লোকৰ সংখ্যা বাঢ়িবলৈ আৰম্ভ কৰে

চাণক্য নীতিৰ মতে আপোনাৰ জীৱনত যদি হঠাতে নেতিবাচক, ঈৰ্ষাশীল, বা আপোনাৰ কথা বেয়াকৈ কোৱা লোকৰ সংখ্যা বাঢ়ি যায়, তেন্তে সেয়া আগতীয়াকৈ সংঘাতৰ লক্ষণ। এই পৰিস্থিতিয়ে ইংগিত দিয়ে যে কোনোবাই আপোনাৰ অগ্ৰগতিৰ ওপৰত অসন্তুষ্ট বা আপোনাক বাধা দিবলৈ চেষ্টা কৰিছে। এনে লোকৰ পৰা সময়ত নিজকে আঁতৰাই ৰখাটো জৰুৰী।

কঠোৰ পৰিশ্ৰমৰ ফল পোৱা বন্ধ হৈ যায়

চাণক্য নীতিৰ মতে যেতিয়া কোনো ব্যক্তিৰ কঠোৰ পৰিশ্ৰমৰ দ্বাৰা আকাংক্ষিত ফল পোৱা নাযায়, বা বাৰে বাৰে বিফলতাৰ সন্মুখীন হ’লে সময় আপোনাৰ পক্ষত নথকাৰ লক্ষণ। এনে সময়ত ডাঙৰ ডাঙৰ সিদ্ধান্ত লোৱাৰ পৰা বিৰত থাকক। নিজকে পুনৰ প্ৰস্তুত কৰক আৰু পৰিস্থিতি ভালদৰে বুজি লওক।

বাৰে বাৰে ভুল মানুহ লগ পোৱা

চাণক্যৰ মতে যদি হঠাৎ আপোনাক বিপথে পৰিচালিত কৰা, প্ৰলোভন দিয়া বা প্ৰতাৰণা কৰিবলৈ চেষ্টা কৰা মানুহৰ সন্মুখীন হয়, তেন্তে সেয়া বেয়া লক্ষণ। এই লোকসকলে আপোনাৰ ভৱিষ্যতৰ ওপৰত প্ৰভাৱ পেলাব পাৰে। গতিকে তৎক্ষণাত নিজকে আঁতৰাই ৰখাটো বাঞ্ছনীয়।

পৰিয়ালত অপ্ৰয়োজনীয় সংঘাত আৰু অশান্তি বাঢ়ি যায়

চাণক্য নীতিয়ে কৈছে যে শান্তি আৰু প্ৰেমৰ পৰিৱেশ থকা ঘৰ এখনত সুখ আৰু সমৃদ্ধি বাস কৰে। কিন্তু যদিহে আপোনাৰ ঘৰখন হঠাতে সৰু সৰু বিষয়বোৰকো লৈ অহৰহ কাজিয়া, তৰ্ক, সংঘাতৰ দৃশ্যপট হৈ পৰে, আৰু পৰিয়ালৰ সদস্যৰ মাজত পাৰস্পৰিক প্ৰেম আৰু সন্মান কমিবলৈ ধৰে, তেন্তে আহিবলগীয়া বেয়া সময়ৰ এইটোৱেই দ্বিতীয় ডাঙৰ লক্ষণ।

চাণক্যৰ মতে ঘৰুৱা সংঘাতে এক উত্তেজনাপূৰ্ণ পৰিবেশৰ সৃষ্টি কৰে, যাৰ ফলত মানসিক শান্তি বিঘ্নিত হোৱাই নহয়, আৰ্থিক লোকচানৰ লগতে অগ্ৰগতিত বাধাৰ সৃষ্টি হয়। শান্তিৰ অভাৱ থকা ঘৰ এখন সদায় প্ৰগতিৰ বাবে বন্ধ হৈ থাকে।

(অস্বীকাৰ: এই তথ্য চাণক্য নীতিৰ আধাৰত। TV9 অসমে ইয়াক নিশ্চিত নকৰে।)