আজি গণেশ চতুৰ্থী, প্ৰান্তে প্ৰান্তে গণপতি বাপ্পাৰ প্ৰতিধ্বনি, এই উৎসৱৰ তাৎপৰ্য কি? জানেনে…
সমগ্ৰ দেশতে গণেশ চতুৰ্থী উৎসৱ অতি উৎসাহেৰে পালন কৰা হৈছে। এই উৎসৱ ভাদ মাহৰ শুক্ল পক্ষৰ চতুৰ্থী তিথিত পালন কৰা হয়। এইবাৰ ২৭ আগষ্টত এই পবিত্ৰ উৎসৱ পালন কৰা হৈছে।
আজি গণেশ চতুৰ্থী
আজি গণেশ চতুৰ্থী। সমগ্ৰ দেশতে গণেশ চতুৰ্থী উৎসৱ অতি উৎসাহেৰে পালন কৰা হৈছে। এই উৎসৱ ভাদ মাহৰ শুক্ল পক্ষৰ চতুৰ্থী তিথিত পালন কৰা হয়। এইবাৰ ২৭ আগষ্টত এই পবিত্ৰ উৎসৱ পালন কৰা হৈছে। এই দিনটোতে ভগৱান গণেশৰ জন্ম হৈছিল বুলি বিশ্বাস কৰা হয়। এই উৎসৱটো ভগৱান গণেশৰ জন্ম বাৰ্ষিকী হিচাপে পালন কৰা হয়।
মহাৰাষ্ট্ৰ ৰাজ্যসমূহেই এই অনুষ্ঠান উদযাপনৰ প্ৰাথমিক স্থান। ইয়াৰ সমান্তৰালভাৱে দেশৰ আন স্থানৰ লগতে অসমতো উদযাপন কৰা হৈছে গণেশ চতুৰ্থী। এই উপলক্ষে গুৱাহাটী আমবাৰী নিউ জি এম চি কলনিত স্থাপন কৰা হৈছে ৪১ ফুট উচ্চতাৰ গণেশৰ মূৰ্তি।
গণেশ চতুৰ্থী ২০২৫: তাৰিখ আৰু সময়
চতুৰ্থী তিথি আৰম্ভ ২৬ আগষ্ট, ২০২৫ – ০১:৫৪ বজাত আৰু চতুৰ্থী তিথি শেষ ২৭ আগষ্ট, ২০২৫ – ০৩:৪৪ বজাত। মধ্যাহ্ন গণেশ পূজা মুহুৰাত ২৭ আগষ্ট, ২০২৫ – পুৱা ১১:০৫ বজাৰ পৰা নিশা ০১:৪০ বজালৈ। পূৰ্বৰ দিনটোত চন্দ্ৰ দেখাৰ পৰা হাত সাৰিবলৈ সময় ২৬ আগষ্ট, ২০২৫ – নিশা ০১:৫৪ বজাৰ পৰা নিশা ০৮:২৯ বজালৈ। চন্দ্ৰ দৰ্শনৰ পৰা হাত সাৰিবলৈ সময় ২৭ আগষ্ট, ২০২৫ – পুৱা ০৯:২৮ বজাৰ পৰা নিশা ০৮:৫৭ বজালৈ। ২০২৫ চনৰ ৬ ছেপ্টেম্বৰত অনুষ্ঠিত হ’ব গণেশ বিসৰ্জন।
গণেশ চতুৰ্থী ২০২৫: তাৎপৰ্য
হিন্দুসকলৰ বাবে গণেশ চতুৰ্থী এক অতি গুৰুত্বপূৰ্ণ আৰু প্ৰধান পবিত্ৰ উৎসৱ। অতি আনন্দৰে এই উৎসৱ উদযাপন কৰা হয়। ভক্তসকলে এই শুভ দিনটোত ভগৱান গণেশৰ প্ৰতিমা কঢ়িয়াই নিজৰ ঘৰলৈ লৈ যায় আৰু এঘাৰ দিন পূজা কৰে। গণেশৰ জন্ম বাৰ্ষিকী উপলক্ষে ভক্তসকলে এই উৎসৱ উদযাপন কৰে।
অনন্ত চতুৰ্দশীৰ দিনা গণেশ চতুৰ্থী উৎসৱৰ সামৰণি পৰিব আৰু উৎসৱৰ অন্তিম দিনা মানুহে প্ৰতিমা বিসৰ্জন কৰে। এইটো বাধ্যতামূলক নহয় যে ভক্তসকলে ১১ দিন প্ৰতিমাটো ৰাখিব লাগিব কাৰণ একাংশ ভক্তই ২ দিন, ৩ দিন, ৫ দিন, ৭ দিন বা নিজৰ সুবিধা অনুযায়ী এই মূৰ্তিটো ৰাখে আৰু পূজা কৰে।
গোৱা, মধ্যপ্ৰদেশ, কৰ্ণাটক, আৰু মহাৰাষ্ট্ৰ আদি ৰাজ্যই এই উৎসৱ সৰ্বাধিক উদযাপন কৰে। বিশ্বাস অনুসৰি, এই সময়ছোৱাত মানুহে চন্দ্ৰ দেখাৰ পৰা বিৰত থাকিব লাগে।