Saraswati Puja 2026: সৰস্বতী পূজা কেতিয়া? জানক শুভ সময়, পূজাৰ নিয়ম, তাৎপৰ্য আদি সকলো…
হিন্দু পঞ্জিকা অনুসৰি ২০২৬ চনৰ পঞ্চমী তিথি ২২ জানুৱাৰীৰ সন্ধিয়াৰ পৰা আৰম্ভ হয়। কিন্তু উদয় তিথি আৰু শাস্ত্ৰৰ ভিত্তিত পিছদিনা পূজাৰ বাবে উত্তম দিন বুলি গণ্য কৰা হয়।
সৰস্বতী পূজা
বসন্ত পঞ্চমী কেৱল উৎসৱ নহয়, প্ৰকৃতি, জ্ঞান, জীৱনত নতুন শক্তিৰ আগমনৰ উদযাপন। এই দিনটোত চৌদিশে হালধীয়া ৰং, মনটো আনন্দ আৰু আশাৰে ভৰি পৰে। ভক্তসকলে এই দিনটোত দেৱী সৰস্বতীৰ আশীৰ্বাদ বিচাৰি পূজা কৰে। এইবাৰো সকলোৰে মনত অহা এটা প্ৰশ্ন বসন্ত পঞ্চমী ২২ নে ২৩ জানুৱাৰীত পৰে? কেলেণ্ডাৰৰ ওপৰত ভিত্তি কৰি এই বিভ্ৰান্তি আঁতৰ কৰো আহক।
বসন্ত পঞ্চমী কেতিয়া: ২২ নে ২৩ জানুৱাৰী?
হিন্দু পঞ্জিকা অনুসৰি ২০২৬ চনৰ পঞ্চমী তিথি ২২ জানুৱাৰীৰ সন্ধিয়াৰ পৰা আৰম্ভ হয়। কিন্তু উদয় তিথি আৰু শাস্ত্ৰৰ ভিত্তিত পিছদিনা পূজাৰ বাবে উত্তম দিন বুলি গণ্য কৰা হয়।
বসন্ত পঞ্চমী তাৰিখ: ২৩ জানুৱাৰী, ২০২৬, শুকুৰবাৰ
পঞ্চমী তিথি আৰম্ভ: ২২ জানুৱাৰী, ২০২৬, সন্ধিয়া ৬:১৫ বজাত
পঞ্চমী তিথি শেষ: ২৩ জানুৱাৰী, ২০২৬, নিশা ৮:৩০ বজাত
যিহেতু ২৩ জানুৱাৰীত সূৰ্য উদয়ৰ সময়ত পঞ্চমী তিথি আৰম্ভ হ’ব, সেয়েহে ২৩ জানুৱাৰী শুকুৰবাৰে পালন কৰা হ’ব বসন্ত পঞ্চমী আৰু সৰস্বতী পূজা।
পূজাৰ শুভ সময়
ৰাতিপুৱা দেৱী সৰস্বতী পূজাৰ বাবে সৰ্বোত্তম সময় বুলি গণ্য কৰা হয়। ২৩ জানুৱাৰীত পূজাৰ শুভ সময় তলত দিয়া ধৰণৰ।
পূজাৰ সময়: পুৱা ৭:১৩ বজাৰ পৰা দুপৰীয়া ১২:৩৩ বজালৈ।
অমৃত কাল: পুৱা ৮:৪৫ বজাৰ পৰা ১০:২০ বজালৈ।
সৰস্বতী পূজাৰ নিয়ম
এই দিনটোৰ হালধীয়া ৰঙটো শক্তি, উৎসাহ, বিশুদ্ধতাৰ প্ৰতীক হিচাপে গণ্য কৰা হয়। সোনকালে উঠি হালধীয়া কাপোৰ পিন্ধক। এটা স্থানত হালধীয়া কাপোৰ মেলি দি সৰস্বতী দেৱীৰ মূৰ্তি বা ফটো স্থাপন কৰক। লগতে ভগৱান গণেশক ৰাখক। দেৱীৰ সন্মুখত এটা কলহ ৰাখক আৰু ধূপকাঠি, চাকি জ্বলাওক। হালধীয়া ফুল, বিশেষকৈ নাৰ্জি বা সৰিয়হৰ ফুল, হালধীয়া চন্দন, কেশৰ, আৰু গোটা শস্য দেৱীক আগবঢ়াওক।
এই দিনটোত দেৱীৰ ওচৰত নিজৰ কিতাপ, কলম বা বাদ্যযন্ত্ৰ ৰাখি পূজা কৰক। এই দিনটোৱেই শিশুসকলৰ বাবে বৰ্ণমালাৰ অনুশীলন আৰম্ভ কৰাৰ আটাইতকৈ শুভ দিন। দেৱীক হালধীয়া চাউল, বুণ্ডী লাড়ু, বা কেশৰ হালোৱা আগবঢ়াওক। শেষত দেৱী সৰস্বতীৰ আৰতি কৰি জ্ঞান প্ৰদানৰ বাবে তেওঁৰ আশীৰ্বাদ বিচাৰিব।
বসন্ত পঞ্চমীৰ তাৎপৰ্য
বসন্ত পঞ্চমী কেৱল তাৰিখ নহয়, জড়তাৰ পৰা চেতনালৈ পৰিৱৰ্তনৰ উদযাপন। কোৱা হয় যে ভগৱান ব্ৰহ্মই যেতিয়া বিশ্বব্ৰহ্মাণ্ড সৃষ্টি কৰিছিল তেতিয়া সকলোতে নিস্তব্ধতা আছিল। তাৰ পাছত তেওঁ পানী ছটিয়াই দিয়াত দেৱী সৰস্বতী আবিৰ্ভাৱ হ’ল। তেওঁ বীণা বজাই সমগ্ৰ বিশ্বব্ৰহ্মাণ্ডত সুৰ আৰু বাণী কঢ়িয়াইছিল। সেয়ে এই দিনটোত আমাৰ বুদ্ধি, জ্ঞান, শিল্প মাৰ চৰণত উৎসৰ্গা কৰা হয়।
লগতে পঢ়ক: শিৱৰ অত্যন্ত প্ৰিয় এই ৫ ৰাশিৰ লোক, লাভ কৰে প্ৰচুৰ ধন-সম্পত্তি!
(অস্বীকাৰ: এই তথ্যসমূহ ধৰ্মীয় বিশ্বাস আৰু সাধাৰণ তথ্যৰ ওপৰত ভিত্তি কৰি কৰা হৈছে। TV9 অসমে ইয়াক সমৰ্থন নকৰে।)