Low Blood Pressure: হঠাতে ৰক্তচাপ কমি গ’লে কি কৰিব লাগে ? এই ৩টা পদক্ষেপ গ্ৰহণ কৰক

নিম্ন ৰক্তচাপৰ পৰা উপশম পোৱাৰ উপায়

কেতিয়াবা বিভিন্ন কাৰণত আপোনাৰ ৰক্তচাপ হঠাতে কমি যাব পাৰে বা নিম্ন ৰক্তচাপৰ সমস্যা হ’ব পাৰে। ইয়াৰ ফলত এজন লোকৰ মূৰ ঘূৰোৱা, দুৰ্বল, ঠাণ্ডা অনুভৱ কৰাৰ দৰে লক্ষণে দেখা দিব পাৰে। আনকি ইয়াৰ ফলত এজন লোক হঠাতে অজ্ঞান হৈ পৰিব পাৰে। যেতিয়া ৰক্তচাপ 90/60 mmHg তললৈ নামি যায়, তেতিয়া ইয়াক নিম্ন ৰক্তচাপ বুলি কোৱা হয়। যদি হঠাতে ৰক্তচাপ কমি যায় তেতিয়া কি কৰিব?

নিম্ন ৰক্তচাপৰ পাৰে উপশম পোৱাৰ উপায়

নিমখ আৰু চেনিৰ দ্ৰৱ

চেনি আৰু নিমখৰ সৈতে দ্ৰৱ তৈয়াৰ কৰিব পাৰে। ই শৰীৰত তৰল পদাৰ্থৰ ভাৰসাম্য ঘূৰাই অনাত সহায় কৰে। এগিলাচ পানীত আধা চামুচ নিমখ আৰু এচামুচ সম্পূৰ্ণ চেনি মিহলাই লওক। তাৰ পাছত লাহে লাহে সেই পানী গিলাচ খাব। এই দ্ৰৱটোৱে তেজত ছডিয়ামৰ মাত্ৰা বৃদ্ধি কৰাত সহায় কৰে, যিটো অতি গুৰুত্বপূৰ্ণ কাৰণ কম ছডিয়ামে তেজৰ পৰিমাণ হ্ৰাস কৰিব পাৰে আৰু চেনিয়ে দ্ৰুত শক্তি বৃদ্ধি কৰে। ইয়াৰ উপৰিও পাচনতন্ত্ৰত শোষণ উন্নত কৰাত সহায় কৰে। ই ৰক্তচাপ সোনকালে বৃদ্ধি কৰাত সহায় কৰিব পাৰে।

শুই ভৰি দুখন ওপৰলৈ তুলি অলপ সময় ৰাখিব

নিমখ আৰু চেনিৰ পানীয় খোৱাৰ পিছত ব্যক্তিজনক সমতল অৱস্থাত শুবলৈ দিয়ক আৰু ভৰি দুখন ওপৰলৈ তুলিবলৈ দিয়ক যাতে হৃদযন্ত্ৰৰ স্তৰৰ ওপৰত থাকে।  ই মগজু আৰু অন্যান্য গুৰুত্বপূৰ্ণ অংগলৈ তেজ চলাচলত সহায় কৰে। যেতিয়া ৰক্তচাপ যথেষ্ট কমি যায় তেতিয়া মগজুৱে পৰ্যাপ্ত পৰিমাণৰ অক্সিজেন পাবলৈ সংগ্ৰাম কৰিব পাৰে, যাৰ ফলত মূৰ ঘূৰোৱা আৰু দৃষ্টিশক্তি ম্লান হৈ পৰে, কেতিয়াবা মূৰ্চ্ছাও যাব পাৰে।

ব্লেক কফি বা ব্লেক চাহ খাব পাৰে

ৰক্তচাপ কমি গ’লে সৰু কাপত ব্লেক কফি বা ব্লেক চাহ খাব লাগে। এই পানীয়বোৰত কেফেইন থাকে, যিয়ে হৃদযন্ত্ৰৰ তন্ত্ৰক উদ্দীপিত কৰে আৰু লগতে সাময়িকভাৱে ৰক্তচাপৰ মাত্ৰা বৃদ্ধি কৰে।

স্পষ্টীকৰণ: এই প্ৰতিবেদন কেৱল সাধাৰণ তথ্যৰ বাবে প্ৰস্তুত কৰা হৈছে। ই কেতিয়াও চিকিৎসা সেৱাৰ বিকল্প নহয়। গতিকে চিকিৎসকৰ পৰামৰ্শ গ্ৰহণ কৰক।