খালী পেটত মদ্যপান কৰিলে কিয় সোনকালে নিচা হয়? ইয়াৰ ফলত শৰীৰত কি প্ৰভাৱ পৰে ? জানক

বহুতে মাজে মাজে মদ্যপান কৰে আৰু বহুতৰ দৈনিক মদ্যপান কৰাৰ অভ্যাস আছে। মদ্যপান কেতিয়া কৰে সেয়া ডাঙৰ কথা নহয়, ডাঙৰ কথাটো হ’ল মদ্যপান স্বাস্থ্যৰ বাবে হানিকাৰক। একাংশ লোকৰ অভ্যাস আছে যে, খালী পেটত মদ্যপান কৰে। আন একাংশই আকৌ কেতিয়াবা ভুলতে খালী পেটত মদ্যপান কৰে। গতিকে জানোঁ আহক খালী পেটত মদ্যপান কৰিলে শৰীৰত কি প্ৰভাৱ পৰে ? নিচা কিয় বেছি হয় ?

বিশেষজ্ঞৰ মতে, খালী পেটত মদ্যপান কৰিলে মগজুত প্ৰত্যক্ষ প্ৰভাৱ পৰিব পাৰে। কিন্তু খাদ্য খোৱাৰ পাছত মদ খালে প্ৰভাৱ কম হয় আৰু ক্ৰমান্বয়ে প্ৰভাৱ বৃদ্ধি পায়। খালী পেটত মদ খালে ই তেজৰ লগত সোনকালে মিহলি হয় আৰু পলকতে মদ মগজুলৈ যায় আৰু অতি সোনকালে নিচা হয়। ই মগজুৰ কাৰ্যক্ষমতা হ্ৰাস কৰে আৰু ফলত চিন্তা শক্তি হ্ৰাস পাবলৈ ধৰে।

ইয়াৰ লগতে আৰু কি কি ক্ষতি হ’ব পাৰে ?

খালী পেটত মদ্যপান কৰিলে যকৃতৰ ক্ষতি হোৱাৰ সম্ভাৱনা বৃদ্ধি পাবলৈ ধৰে। নিয়মিতভাৱে খালী পেটত মদ্যপান কৰিলে লিভাৰ চিৰ’ছিছৰ দৰে ৰোগৰ সম্ভাৱনা বৃদ্ধি পায়। যকৃতৰ কোষৰ ক্ষতি হয়। তদুপৰি চৰ্বিযুক্ত যকৃত, মদ্যপান কৰা হেপাটাইটিছ, যকৃতৰ কৰ্কট ৰোগৰ আশংকাও বাঢ়িব পাৰে।

খালী পেটত সুৰাপান কৰিলে তাৎক্ষণিক বিপদৰ সৃষ্টি হ’ব পাৰে। ইয়াৰ ফলত বমি হ’ব পাৰে। তদুপৰি অত্যধিক মদ্যপান কৰিলে চেতনা হেৰুৱাৰ আশংকাও থাকে।

লগতে পঢ়ক: লং বেছিকৈ খালে কি হয় ? স্বাস্থ্যৰ ওপৰত কেনেধৰণৰ প্ৰভাৱ পৰে ? জানক