আজি তোমাৰ কথাকে ভাবি আছোঁ… শ্বেফালী জাৰিৱালাই X-ত শেষৰ পোষ্টটো কাৰ বাবে দিছিল?

শ্বেফালী জাৰিৱালাই X-ত শেষৰ পোষ্টটো কাৰ বাবে দিছিল?

সুপৰিচিত অভিনেত্ৰী তথা বিগ বছ ১৩ৰ খ্যাত শ্বেফালী জাৰিৱালাৰ মৃত্যুৱে সকলোকে জোকাৰি গৈছে। তেওঁৰ মৃত্যুৰ খবৰে উদ্যোগটোত শোকৰ ছাঁ কঢ়িয়াই আনিছে। শুকুৰবাৰে নিশা শ্বেফালীক বুকুৰ বিষৰ অভিযোগত স্বামী পৰাগ ত্যাগীয়ে চিকিৎসালয়লৈ লৈ যায় যদিও অভিনেত্ৰীগৰাকীক বচাব নোৱাৰিলে।

শ্বেফালী জাৰিৱালাৰ মৃত্যুৰ কাৰণ হৃদযন্ত্ৰৰ ক্ৰিয়া বন্ধ হোৱা বুলি জানিব পৰা গৈছে। যাৰ বাবে অভিনেত্ৰীগৰাকীয়ে মাত্ৰ ৪২ বছৰ বয়সতে পৃথিৱী এৰি থৈ যায়। এতিয়া তেওঁৰ শেষৰটো এক্স পোষ্টে বহু চৰ্চা লাভ কৰিছে, যিটো তেওঁ প্ৰয়াত টিভি অভিনেতা তথা বিগ বছ ১৩ বিজয়ী সিদ্ধাৰ্থ শুক্লাৰ বাবে কৰিছিল। ছ’চিয়েল মিডিয়াl শ্বেফালীয়ে সিদ্ধাৰ্থৰ বাবে কি লিখিলে জানক।

সিদ্ধাৰ্থৰ সৈতে এখন বিশেষ ছবি শ্বেয়াৰ কৰিছিল

শ্বেফালী জাৰিৱালাই ২০২৪ চনৰ ২ ছেপ্টেম্বৰত অৰ্থাৎ প্ৰায় দহ মাহ আগতে নিজৰ এক্স হেণ্ডেলত শেষ পোষ্টটো দিছিল। ইয়াৰ পিছত তেওঁ X ত একো পোষ্ট কৰা নাছিল। বিগ বছ ১৩ বিজয়ী তথা বিখ্যাত টিভি অভিনেতা সিদ্ধাৰ্থ শুক্লাৰ সৈতে অভিনেত্ৰীগৰাকীয়ে নিজৰ এখন বিশেষ ফটো শ্বেয়াৰ হৈ আছে। য’ত দুয়োজনে ইজনে সিজনক জোৰেৰে সাৱটি ধৰিছে।

‘আজি তোমাৰ কথাকে ভাবিছোঁ বন্ধু’

এই বিশেষ ফটোখনৰ জৰিয়তে অভিনেত্ৰীগৰাকীয়ে যি লিখিছে সেয়া এতিয়া ছ’চিয়েল মিডিয়াত ভাইৰেল হৈ পৰিছে। এই ফটোখন বিগ বছ ঘৰৰ ভিতৰৰ। দুয়োজনেই একেটা ছিজনতে বিগ বছ ১৩ ত আছিল। ২০২৪ চনৰ ২ ছেপ্টেম্বৰত সিদ্ধাৰ্থৰ তৃতীয় মৃত্যু বাৰ্ষিকী আছিল, এই উপলক্ষে শ্বেফালীয়ে বন্ধুক মনত পেলাই লিখিছিল, “আজি তোমাৰ কথাকে ভাবি বন্ধু।”

হৃদযন্ত্ৰৰ ক্ৰিয়া বন্ধ হোৱাৰ বাবে মৃত্যু হয় সিদ্ধাৰ্থৰ

শ্বেফালীৰ দৰে সিদ্ধাৰ্থৰো হৃদযন্ত্ৰৰ ক্ৰিয়া বন্ধ হৈ মৃত্যু হয়। শ্বেফালীয়ে ৪২ বছৰ বয়সত সকলোৰে পৰা বিদায় লোৱাৰ বিপৰীতে সিদ্ধাৰ্থৰ মৃত্যু হয় ৪০ বছৰ বয়সত।১৯৮০ চনৰ ১২ ডিচেম্বৰত মুম্বাইত জন্মগ্ৰহণ কৰা সিদ্ধাৰ্থৰ মৃত্যু হয় ২০২১ চনৰ ২ ছেপ্টেম্বৰত। প্ৰথমে বিগ বছ ১৩ৰ বিজয়ী আৰু এতিয়া বিগ বছ ১৩ৰ আন এজন প্ৰতিযোগীৰ মৃত্যুত অনুৰাগীসকল স্তম্ভিত হৈ পৰিছে।