GST ৰ এই কৌশল জানিলে বিয়াৰ লাখ লাখ টকা ৰাহি হ’ব

যদি আপোনাৰ বিয়াৰ বাবে ভাল কমিউনিটি হল বুকিং কৰে, তেন্তে খৰচ প্ৰায় ২ লাখ টকা হ’ব। পিক ছিজনত সেই খৰচ আৰু বেছি বৃদ্ধি পাব পাৰে। ইয়াৰ উপৰিও খাদ্যৰ খৰচো আছে। যথাযথ মেনু বনালেও প্ৰতিখন প্লেটৰ খৰছ হাজাৰ টকাতকৈও বেছি হ’ব পাৰে। কিন্তু খৰচ কমোৱাৰ উপায়ো আছে।

বিশেষজ্ঞসকলে কয় যে একেজন ব্যক্তিৰ পৰা বিবাহ হল আৰু কেটাৰিং একেলগে বুকিং কৰিলে ১৩ শতাংশ পৰ্যন্ত ৰাহি কৰিব পাৰি। ইয়াক ‘কম্পোজিট চাপ্লাই’ বোলা হয়। যদি আপুনি হল আৰু কেটাৰিং পৃথকে পৃথকে বুকিং কৰে, তেন্তে হলটোৰ ওপৰত ১৮ শতাংশ জি এছ টি আৰোপ কৰা হয়। ইয়াৰ উপৰিও কেটাৰিঙৰ ওপৰত ৫ শতাংশ জি এছ টি আৰোপ কৰা হয়।

যদি দুটা সেৱা একেলগে বুকিং কৰা হয় তেন্তে সমগ্ৰ পেকেজত মাত্ৰ ৫ শতাংশ জি এছ টি আৰোপ কৰা হয়। এইদৰে আপুনি টকা ৰাহি কৰিব পাৰিব।