হিমন্ত-মোদীৰ যুটিয়ে আগুৱাই নিছে অসমক, ক’লে অমিত শ্বাহে

বৃহস্পতিবাৰে সন্ধিয়া অসমত উপস্থিত হোৱা কেন্দ্ৰীয় গৃহমন্ত্ৰী অমিত শ্বাহে দুদিনীয়া ভ্ৰমণসূচীত কেইবাটাও কাৰ্যসূচীত অংশ লয়। আজি কেন্দ্ৰীয় গৃহমন্ত্ৰীগৰাকীয়ে নতুন ৰাজভৱন উদ্বোধন কৰে। এই অনুষ্ঠানত ভাষণ প্ৰদান কৰি অমিত শ্বাহে প্ৰধানমন্ত্ৰী মোদী আৰু ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ উন্নয়নমূলক কামক উচ্চ প্ৰশংসা কৰে। কেন্দ্ৰীয় গৃহমন্ত্ৰীগৰাকীয়ে নিজ ভাষণত প্ৰধানমন্ত্ৰী মোদীয়ে আৰম্ভ কৰা আৰু মুখ্যমন্ত্ৰী হিমন্ত বিশ্ব শৰ্মাই ৰূপায়ণ কৰা বৃহৎ উন্নয়নমূলক কামৰ বাবে বিজেপি নেতৃত্বাধীন এন ডি এয়ে অসমত একেৰাহে তৃতীয়খন চৰকাৰ গঠন কৰিব বুলি দৃঢ় দাবী কৰে।

নিজ ভাষণত অমিত শ্বাহে কয়, “মোদীয়ে সমগ্ৰ দেশতে অপৰিসীম উন্নয়নমূলক কাম-কাজ চলাইছে, আৰু সেই প্ৰবাহক মুখ্যমন্ত্ৰী শৰ্মাই ৰাজ্যৰ প্ৰতিটো ঘৰলৈ লৈ গৈছে। এই কামবোৰৰ বাবেই অহা বছৰ বিজেপি নেতৃত্বাধীন এন ডি এয়ে একেৰাহে তৃতীয়বাৰৰ বাবে অসমত চৰকাৰ গঠন কৰিব।”