বাংলাদেশত হিন্দু হত্যাৰ বিৰুদ্ধে দুধনৈত বিশ্ব হিন্দু পৰিষদৰ প্ৰতিবাদ

বাংলাদেশৰ ঘটনাক কেন্দ্ৰ কৰি এতিয়াও দেশ লগতে ৰাজ্যৰ বিভিন্ন প্ৰান্তত জনতাৰ ক্ষোভৰ উদগীৰণ ঘটিছে।  গোৱালপাৰাৰ দুধনৈত বিশ্ব হিন্দু পৰিষদৰ প্ৰতিবাদ ৷ বাংলাদেশত হিন্দু যুৱকক হত্যা কৰা আৰু উত্তৰ পূৱ ভাৰত বাংলাদেশত চামিলৰ হুংকাৰ প্ৰদান কৰাৰ বিৰুদ্ধে সাব্যস্ত কৰা হৈছে এই প্ৰতিবাদত।

জোতা-চেণ্ডেলৰ মালা পিন্ধাই ১৭ নং ৰাষ্ট্ৰীয় ঘাইপথত বাংলাদেশ চৰকাৰৰ উপদেষ্টা মহম্মদ ইউনুছৰ পুত্তলিকাত দাহ কৰাৰ লগতে এক প্ৰতিবাদী সমদল উলিয়ায় ৷ বজৰং আৰু বিশ্ব হিন্দু পৰিষদৰ দুই শতাধিক পুৰুষ মহিলাই অংশগ্ৰহণ কৰা এই প্ৰতিবাদত বাংলাদেশ চৰকাৰ হুচিয়াৰ, হিন্দুৰ ওপৰত অত্যাচাৰ বন্ধ কৰক আদি শ্লোগানেৰে দুধনৈৰ আকাশ বতাহ উত্তাল কৰি তোলে । ভাৰত চৰকাৰক এই ক্ষেত্ৰত ব্যৱস্থা গ্ৰহণ কৰি বাংলাদেশত থকা হিন্দু সকলক নিৰাপত্তা দিবলৈ আহ্বান জনায় প্ৰতিবাদকাৰীয়ে ।