ঢাকাৰ ভোক পূৰণ কৰিব ইছলামবাদে
বাংলাদেশৰ বজাৰত চাউলৰ দাম নিয়ন্ত্ৰণৰ বাবে কেইবাটাও পদক্ষেপ গ্ৰহণ কৰিবলৈ আৰম্ভ কৰিছে মহম্মদ ইউনুচ নেতৃত্বাধীন অন্তৱৰ্তীকালীন চৰকাৰে। ঘৰুৱা বজাৰত চাউলৰ মূল্য হ্ৰাস কৰাৰ বাবে চাউল আমদানি কৰিবলৈও তেওঁলোকৰ হৈ কেইবাখনো নিবিদা আহ্বান কৰিছে বাংলাদেশে।
ইছলামবাদে পূৰণ কৰিব ঢাকাৰ ভোক। এইবাৰ পাকিস্তানৰ পৰা পদ্মা নদীৰ পাৰৰ দেশখনলৈ নিয়া হ’ব এক লাখ টন চাউল। তাৰ বাবে ইতিমধ্যে নিবিদা আহ্বান জনাইছে পাকিস্তানে। শ্বেহবাজ শ্বৰীফৰ চৰকাৰৰ অধীনত ‘দ্য ট্ৰেডিং কৰ্প’ৰেশ্যন অৱ পাকিস্তানে’ বাংলাদেশলৈ ৰপ্তানিৰ উদ্দেশ্যে চাউল ক্ৰয়ৰ বাবে আহ্বান জনাইছে নিবিদা।
দেশৰ অন্যতম আগশাৰীৰ বাতৰি কাকত ‘দ্য ড’ন’ৰ প্রতিবেদন অনুসৰি যোৱা ২০ নৱেম্বৰত পাকিস্তানৰ বাণিজ্য মন্ত্রণালয়ে নিবিদা জাননী জাৰি কৰে ৷ ইয়াত কোৱা হৈছিল যে এই জাননী জাৰি কৰাৰ পাছত ২৮ নৱেম্বৰলৈকে নিবিদা দাখিল কৰিব পাৰিব বিভিন্ন কোম্পানীয়ে ৷
বাংলাদেশৰ বজাৰত চাউলৰ দাম নিয়ন্ত্ৰণৰ বাবে কেইবাটাও পদক্ষেপ গ্ৰহণ কৰিবলৈ আৰম্ভ কৰিছে মহম্মদ ইউনুচ নেতৃত্বাধীন অন্তৱৰ্তীকালীন চৰকাৰে। ঘৰুৱা বজাৰত চাউলৰ মূল্য হ্ৰাস কৰাৰ বাবে চাউল আমদানি কৰিবলৈও তেওঁলোকৰ হৈ কেইবাখনো নিবিদা আহ্বান কৰিছে বাংলাদেশে। একে সময়তে পাকিস্তানেও আন এখন নিবিদা আহ্বান কৰে।