BSNL UPI Payment: BSNL ৰ নতুন পদক্ষেপ! সময়ৰ লগত খাপ খুৱাবলৈ আৰম্ভ নতুন ব্যৱসায়

BSNL ৰ নতুন পদক্ষেপ!

বৰ্তমান দেশৰ প্ৰায় ৯০ শতাংশ লোকে ইউ পি আই পেমেণ্ট ব্যৱহাৰ কৰে। দিনটোৰ ভিতৰত এজন ব্যক্তিয়ে প্ৰয়োজনীয় সকলো বস্তু ইউ পি আইৰ জৰিয়তে ক্ৰয় কৰে। পকেটৰ পৰা মোবাইলটো উলিয়াই স্কেন কৰক, আৰু কেই ছেকেণ্ডমানৰ ভিতৰতে ধন দিয়া হৈ যায়। নগদ ধনৰ প্ৰচলন প্ৰায় কমি গৈছে। কিন্তু ভাৰত চৰকাৰে এই ইউ পি আই পেমেণ্টৰ ওপৰত গুৰুত্ব আৰোপ নকৰাৰ বাবে এই খণ্ড সম্পূৰ্ণৰূপে ব্যক্তিগত কোম্পানীৰ হাতত। চৰকাৰী কোনো আঁচনি নাই। যিটো কেন্দ্ৰক চিন্তিত কৰি তুলিছে।

সংবাদমাধ্যম ইণ্ডিয়া ডট কমৰ এক প্ৰতিবেদন অনুসৰি PhonePe, Paytm, Google Pay আদি ব্যক্তিগত কোম্পানীৰ সৈতে প্ৰতিযোগিতাত অৱতীৰ্ণ হ’বলৈ বজাৰলৈ আহিছে চৰকাৰী ইউপিআই পেমেণ্ট এপ। অতি স্বাভাৱিকভাৱে BSNL এ লৈ আহিছে। ইয়াৰ বাবে BSNL Pay নামৰ এপ এটাও তৈয়াৰ কৰিব। ইয়াত থাকিব ইউপিআই পেমেণ্ট ব্যৱস্থা।

কেতিয়াৰ পৰা আৰম্ভ হ’ব BSNLৰ নতুন যাত্ৰা?

যদিও এই এপটোৰ কথা আনুষ্ঠানিকভাৱে ঘোষণা কৰিছে, তথাপিও গ্ৰাহকে কেতিয়া ব্যৱহাৰ কৰিব পাৰিব আৰু কেতিয়া মুকলি কৰা হ’ব সেই সন্দৰ্ভত চৰকাৰী টেলিকম কোম্পানীটোৱে কোনো তথ্য প্ৰদান কৰা নাই। অৱশ্যে সূত্ৰনুসৰি অনুমান কৰিব পাৰি যে চলিত বৰ্ষৰ দীপাৱলীৰ সময়ত তেওঁলোকে এই নতুন এপটো বজাৰলৈ আনিব।

এতিয়াৰ পৰা BSNL ৰ সকলো কাম সহজ হ’ব। এই এপত গ্ৰাহকে লাভ কৰিব বিভিন্ন বিএছএনএল সেৱাৰ সুবিধা। আৰু কোনোবা যদি গ্ৰাহক নহয় তেন্তে তেওঁলোকৰ বাবে বিভিন্ন সেৱা থাকিব। অনলাইন লেনদেন সম্পৰ্কীয় সকলো ধৰণৰ কাম এটা এপত কৰা হ’ব। যিয়ে PhonePe, Google Pay ৰ দৰে এপবোৰকো পিছত পেলাব পাৰে।