ইৰাণৰ মিছাইল আক্ৰমণৰ মাজত কিদৰে দিন কটাইছে টেল আভিভৰ লোকে?

ইজৰাইলৰ টেল আভিভত ইৰাণৰ শেহতীয়া ক্ষেপণাস্ত্ৰ আক্ৰমণৰ ফলত অঞ্চলটোত উত্তেজনা বৃদ্ধি পাইছে। টেল আভিভৰ পৰা গ্ৰাউণ্ড ৰিপৰ্ট প্ৰস্তুত কৰিছে TV9-এ। টেল আভিভৰ এখন চিকিৎসালয়কে ধৰি কেইবাটাও অঞ্চলক লক্ষ্য কৰি আক্ৰমণ চলোৱা হৈছে। এই আক্ৰমণৰ ফলত বিস্তৰ ক্ষতিসাধন হোৱাৰ লগতে বহু অট্টালিকা ধ্বংস হৈছে। প্ৰতিবেদন অনুসৰি যোৱা ১৫ মিনিটত দুবাৰকৈ এয়াৰ চাইৰেন বাজিছিল। আক্ৰমণৰ পিছতো ৰাজপথত পুনৰ কামত লাগিছিল মানুহ। ইজৰাইলৰ জনসাধাৰণ চিন্তিত যদিও সেনাবাহিনীৰ ওপৰত আস্থা প্ৰকাশ কৰিছে। এই আক্ৰমণ হামাছ আৰু হিজবুল্লাহৰ আক্ৰমণতকৈও অধিক মাৰাত্মক বুলি কোৱা হৈছে। ইৰানে অসামৰিক অঞ্চলক অহৰহ লক্ষ্য কৰি লোৱাৰ ফলত আন্তঃৰাষ্ট্ৰীয় উদ্বেগ বৃদ্ধি পাইছে।