Sheikh Hasina, Bangladesh Situation: লণ্ডনত হাছিনাৰ সহযোগীৰ সম্পত্তি জব্দ, গঢ়িছিল পাহাৰসম সম্পত্তি

শ্বেখ হাছিনাৰ ভতিজী টিউলিপৰ বিৰুদ্ধে যি অভিযোগ উত্থাপন হৈছিল, সেই একে অভিযোগ উত্থাপন হৈছে শ্বেখ হাছিনাৰ আন ঘনিষ্ঠ ব্যক্তিৰ বিৰুদ্ধেও। লণ্ডনত হাছিনাৰ ঘনিষ্ঠ সহযোগীসকলৰ ইজনৰ পিছত সিজনৰ সম্পত্তি জব্দ কৰিছে ব্ৰিটিছ তদন্তকাৰী সংস্থা নেচনেল ক্ৰাইম এজেন্সীয়ে। ব্ৰিটিছ সংবাদ মাধ্যম ‘দ্য গাৰ্ডিয়ান’এ তেওঁলোকৰ তদন্তত হাছিনাৰ ঘনিষ্ঠ সহযোগীসকলৰ সম্পত্তিৰ ৰেকৰ্ড সন্দৰ্ভত ডাঙৰ দাবী উত্থাপন কৰিছে।

কিছু সপ্তাহ পূৰ্বে NCA ই লণ্ডনত হাছিনাৰ দুজন ঘনিষ্ঠ সহযোগীৰ মুঠ ৩০ কোটি পাউণ্ড অৰ্থাৎ ভাৰতীয় মুদ্ৰাত ৩৪৬৬ কোটি টকাৰ সম্পত্তি জব্দ কৰিছিল, ইয়াৰে এজন শ্বেখ হাছিনাৰ কাৰ্যকালত ভূমি মন্ত্ৰী আছিল। এতিয়া ব্ৰিটিছ সংবাদ মাধ্যমে দাবী কৰিছে যে এই সম্পত্তিসমূহ জব্দ কৰা হৈছে যদিও যোৱা জুলাই মাহৰ আন্দোলনৰ পিছৰে পৰা বহু ঘনিষ্ঠ সহযোগীৰ সম্পত্তি বিক্ৰী কৰাৰ চেষ্টা কৰা হৈছে।