মোদীৰ জাপান ভ্ৰমণৰ পৰা কানাডাৰ সৈতে সম্পৰ্কলৈ, কেইটামান গুৰুত্বপূৰ্ণ খবৰ…
দুদিনীয়া ভ্ৰমণসূচীৰে অসমত উপস্থিত হৈছে কেন্দ্ৰীয় গৃহমন্ত্ৰী অমিত শ্বাহ। ইয়াৰ বিপৰীতে নৰেন্দ্ৰ মোদী ৰাওনা হৈছে জাপানলৈ। তাৰ পাছতে তেওঁ চীনলৈ যাব।
পুৱাৰ খবৰ
আজি ২৯ আগষ্ট, শুকুৰবাৰ। আজিৰ দিনটো ৰাজ্যৰ পৰা বিশ্বলৈ বিভিন্ন প্ৰান্তত বহু ঘটনা সংঘটিত হৈছে। কিন্তু আজিকালিৰ ব্যস্ত জীৱনত সকলো ঘটনা-পৰিঘটনাৰ খবৰ ৰখা সহজ নহয়। গতিকে এই লেখাটোত কেইটামান গুৰুত্বপূৰ্ণ খবৰ উল্লেখ কৰা হ’ল, যিয়ে আপোনাক চাৰিওফালে কি চলি আছে তাৰ ওপৰত সাম্যক ধাৰণা দিব পাৰে।
- বৰ্তমান অসমত আছে কেন্দ্ৰীয় গৃহমন্ত্ৰী অমিত শ্বাহ। কালি নিশা গুৱাহাটীত উপস্থিত হয় শ্বাহ। তাৰ পাছতে আজি তেওঁ বিভিন্ন কাৰ্যসূচীত অংশগ্ৰহণ কৰিব। শ্বাহে বিজেপিৰ ৰাজ্যিক কাৰ্যালয়ত বৈঠকক মিলিত হ’ব। তাৰ পাছতে তেওঁ নৱ নিৰ্মিত ৰাজভৱন উদ্বোধন কৰিব আৰু শেষত গোলাপ বৰবৰা জন্ম শতবাৰ্ষিকী শুভাৰম্ভণি অনুষ্ঠানত অংশগ্ৰহণ কৰিব।
- বিজেপিত যোগদান নকৰে আছুৰ প্ৰাক্তন সাধাৰণ সম্পাদক শংকৰজ্যোতি বৰুৱাই। সামাজিক মাধ্যমযোগে তেওঁ জনাই যে আজি বিজেপিত যোগদান কৰাৰ কোনো পৰিকল্পনা তেওঁৰ নাই।
- দুদিনীয়া ভ্ৰমণসূচীৰে ২৮ আগষ্ট সন্ধিয়া জাপানলৈ ৰাওনা প্ৰধানমন্ত্ৰী নৰেন্দ্ৰ মোদী। এই সময়চোৱাক তেওঁ কেইবাটাও কাৰ্যসূচীত অংশগ্ৰহণ কৰিব। ইয়াৰ পাছতে তেওঁ চীনলৈ যাব।
- কৃত্ৰিম বানত স্তব্ধ গুৱাহাটীবাসী। ধাৰাসাৰ বৰষুণৰ ফলত গুৱাহাটীৰ কেইবাটাও অঞ্চল প্লাবিত হৈ পৰে।যাৰ ফলত তীব্ৰ যান-যঁট হোৱাৰ লগতে জন-জীৱন ব্যাহত হয়।
- আৰ এছ এছক অনুষ্ঠানত ডাঙৰ মন্তব্য মোহন ভাগৱতৰ। ৭৫ বছৰ বয়সত অৱসৰ লোৱা সন্দৰ্ভত তেওঁ কয় যে,৭৫ বছৰ বয়সত অৱসৰ লোৱাৰ কোনো প্ৰয়োজন নাই। মইও নলও আৰু মই কাকো ল’বলৈও নকও। আমি যিমান দিন বিচাৰে কাম কৰিব পাৰো।
- মোহন ভাগৱতে জন্মৰ হাৰৰ কথাও উল্লেখ কৰে। তেওঁ কয় যে,কমেও তিনিটা ল’ৰা-ছোৱালী হ’ব লাগে বুলি ক’লে। যিসকলৰ তিনিটা সন্তান নাই তেওঁলোক নোহোৱা হৈ গল। ইয়াৰোপৰি চিকিৎসকে কয় যে তিনিটা সন্তান জন্ম দিলে তিনিওটাৰে স্বাস্থ্য ভাল হৈ থাকে।
- ভাৰতে ৰাছিয়াৰ পৰা তেল ক্ৰয় কৰা সন্দৰ্ভত পুনৰ আমেৰিকাৰ সতৰ্কবাণী। আমেৰিকাৰ চিনেটৰ লিণ্ডচে গ্ৰেহামে ভাৰত, চীন আৰু ব্ৰাজিলক সকীয়াই দিছে যে মস্কোৰ যুদ্ধ যন্ত্ৰক সমৰ্থন কৰাৰ বাবে এই দেশসমূহে ডাঙৰ পৰিণতিৰ সন্মুখীন হ’ব লাগিব।
- ভাৰত আৰু কানাডাৰ সম্পৰ্ক উন্নতিৰ দিশে। দুয়োখন দেশে নতুন উচ্চায়ুক্ত নিযুক্তিৰ কথা ঘোষণা কৰি সম্পৰ্কৰ নতুন আৰম্ভণিৰ ইংগিত দিছে। খালিস্তান বিবাদ আৰু ৰাজনৈতিক উত্তেজনাৰ বাবে বিগত সময়চোৱাত বহু সমস্যাৰ সৃষ্টি হৈছিল। ইয়াৰ পাছতে এতিয়া পুনৰ নতুনৰ দিশে গতি কৰিছে।
অন্য খবৰ পঢ়কঃ NRC ৰ পৰা মুখ্যমন্ত্ৰী আৰু পৰিয়ালৰ অনিয়মৰ তদন্তলৈ, অমিত শ্বাহলৈ জাতীয় পৰিষদৰ ডাঙৰ প্ৰশ্ন…