নতুন ঘৰ নিৰ্মাণ কৰিছে নেকি? ভৱিষ্যতে সুখ-সমৃদ্ধি বিচাৰে যদি মানি চলক বাস্তুৰ এই নিৰ্দেশনা

প্ৰতিনিধিত্বমূলক ছবি

নিজৰ বাবে তথা পৰিয়ালৰ বাবে এটা ঘৰ নিৰ্মাণৰ স্বপ্ন সকলোৱে দেখে। এই স্বপ্ন পূৰণৰ বাবে প্ৰতিজন ব্যক্তিয়েই জীৱনত অত্যন্ত পৰিশ্ৰম কৰে। সেয়ে স্বপ্নৰ এই গৃহটি নিৰ্মাণৰ সময়ত সকলো যাতে সঠিককৈ সম্পন্ন হয়, তাৰ প্ৰতি সকলোৱে লক্ষ্য ৰাখে। ঘৰটিৰ নিৰ্মাণৰ সময়ত কাঠামো যাতে শক্তিশালী হয়, সেয়া অত্যন্ত গুৰুত্বপূৰ্ণ। শক্তিশালী কাঠামোৰ জৰিয়তে ঘৰটো অধিক মজবুত হৈ পৰে। পিছে ভৱিষ্যতৰ সুৰক্ষা তথা সুখ-সমৃদ্ধিৰ বাবে আমি আন কিছু দিশৰ ওপৰতো মন কৰিবলগীয়া হয়। বাস্তুৱে এইক্ষেত্ৰত আমাক দিকনিৰ্ণয় কৰে।

বাস্তু শাস্ত্ৰ হৈছে এক প্ৰাচীন ভাৰতীয় কলা। বাস্তুৱে দিয়া পৰামৰ্শ অট্টালিকা, ঘৰ আৰু মন্দিৰ নিৰ্মাণৰ বাবে অতি গুৰুত্বপূৰ্ণ। বাস্তুৰ নিয়ম মানি চলিলে জীৱনলৈ সুখ আৰু সমৃদ্ধিৰ আগমন ঘটিব পাৰে। একেদৰে বাস্তুৰ নিয়ম আওকাণ কৰিলে ঘৰ, পৰিয়াল, পাৰিবাৰিক সম্পৰ্ক আৰু স্বাস্থ্যৰ ওপৰত ইয়াৰ বহু প্ৰভাৱ দেখা যায়।

আমাৰ জীৱনত ব্যৱহাৰ কৰা বস্তুবোৰ কেনেকৈ ৰাখিব, ক’ত ৰাখিব লাগে এই সকলো ক্ষেত্ৰত বাস্তু শাস্ত্ৰই কিছুমান পৰামৰ্শ আগবঢ়াইছে। জানো আহক এনে কিছুমান নিয়মৰ বিষয়ে-

ঘৰৰ মূল গেট

নতুন ঘৰ নিৰ্মাণ কৰোঁতে মূল গেটৰ ওপৰত ধ্যান দিয়া উচিত। ঘৰৰ মূল গেটখন সদায় উত্তৰ দিশত থাকিলে ভাল বুলি গণ্য কৰা হয়। উত্তৰ দিশৰ উপৰিও মূল গেটখন উত্তৰ-পূব দিশতো ৰাখিব পাৰি।

ঘৰৰ মন্দিৰ

ঘৰৰ মন্দিৰ সদায় পূব দিশত থাকিব লাগে। এই দিশত দেৱতাসকলৰ বাসস্থান বুলি বিশ্বাস কৰা হয়। পূব দিশৰ পৰা সূৰ্য উদয় হয়। এই দিশটো যিমান পাৰি মুকলি কৰি ৰাখিব লাগে। পূব দিশক সুখ আৰু সমৃদ্ধিৰ কাৰক হিচাপে বিবেচনা কৰা হয়।

ঘৰৰ পাকঘৰ

ঘৰৰ পাকঘৰ সদায় উত্তৰ-পূব দিশত নিৰ্মাণ কৰিব লাগে। ঘৰৰ পূব আৰু দক্ষিণ দিশৰ মাজৰ ঠাইখিনিক উত্তৰ-পূব দিশ বুলি কোৱা হয়। এই দিশত বাস্তু দোষ থাকিলে ঘৰৰ পৰিৱেশ উত্তেজনাপূৰ্ণ হৈ থাকে।

ঘৰৰ দক্ষিণ দিশ

ঘৰৰ দক্ষিণ দিশ কেতিয়াও খালী ৰাখিব নালাগে। এই দিশক সুখ আৰু সমৃদ্ধিৰ প্ৰতীক যমৰ নামেৰে যম দিশ বুলি কোৱা হয়। ঘৰৰ এই দিশ খালী কৰি ৰাখিলে সন্মান হানিৰ লগতে চাকৰিৰ ক্ষেত্ৰত সমস্যাৰ সৃষ্টি হয়।

শিশুৰ কোঠা

শিশুৰ বাবে অধ্যয়ন কক্ষ নিৰ্মাণ কৰাৰ সময়ত দিশৰ যত্ন লোৱাটো অতি প্ৰয়োজনীয়। শিশুৰ কোঠাটো সদায় উত্তৰ-পশ্চিম দিশত থাকিব লাগে।

ঘৰত ৰং কৰা

বাস্তু শাস্ত্ৰৰ মতে ঘৰত পাতল ৰং কৰিব লাগে। এই ৰংবোৰে আপোনাৰ মনটোক সন্তুষ্ট কৰে। পাতল ৰঙক সাত্বিক ৰং বুলি কোৱা হয়, এনে ৰঙে ঘৰত ইতিবাচক শক্তি আনে।