শচীন-কোহলীক অতিক্ৰমি জয়ছোৱালৰ অনন্য অভিলেখ

ইংলেণ্ডৰ বিপক্ষে এডজবাষ্টনত চলি থকা টেষ্টত ভাৰতে প্ৰথম ইনিংছত ৫৮৭ ৰান সংগ্ৰহ কৰাৰ সুবাদত বৃহৎ অগ্ৰগতি লাভ কৰিছে।

ভাৰতীয় দলৰ দ্বিতীয় ইনিংছত জয়ছোৱালে এক দৃঢ় আৰম্ভণি কৰিছিল যদিও ২৮ ৰান সংগ্ৰহ কৰা অৱস্থাত জ’ছ টংগুৰ বলত আউট হয়।

অৱশ্যে এই ইনিংছটোৰ সময়তে জয়ছোৱালে এক অনন্য অভিলেখ ৰচে। এই দিশত তেওঁ প্ৰাক্তন তাৰকাদ্বয় শচীন আৰু কোহলীকো অতিক্ৰমো কৰে।

টেষ্টত জয়ছোৱালে এতিয়া আটাইতকৈ কম ইনিংছত ২০০০ ৰান সংগ্ৰহ কৰাৰ ক্ষেত্ৰত যৌথভাৱে দ্ৰুততম ভাৰতীয় বেটছমেন হিচাপে পৰিগণিত হৈছে।

এই ক্ষেত্ৰত জয়ছোৱালে প্ৰাক্তন তাৰকাদ্বয় ৰাহুল দ্ৰাবিড় আৰু বীৰেন্দ্ৰ সেহৱাগৰ অভিলেখ স্পৰ্শ কৰে। দুয়ো সমসংখ্যক ইনিংছত টেষ্টত ২০০০ ৰান সম্পূৰ্ণ কৰিছিল।

জয়ছোৱালে এইপৰ্যন্ত ২১খন টেষ্টৰ ৪০ ইনিংছত ৫৩.১০ গড়ে ২০১৮ ৰান সংগ্ৰহ কৰিছে। এই সময়ছোৱাত তেওঁৰ বেটৰ পৰা আহিছে ৫টা শতক আৰু ১১টা অৰ্ধশতক।