নেমুত থকা স্বাস্থ্য উপকাৰী গুণৰ কথা জানেনে আপুনি?

নেমুত থকা ভিটামিন চি, ফ্লেভন’ইডে ৰক্তচাপ আৰু কলেষ্টেৰল হ্ৰাসত সহায় কৰে, এইদৰে ধমনী বন্ধ হোৱাৰ সম্ভাৱনা কম হয়। ৰক্তবাহী নলীৰ কাৰ্যক্ষমতা উন্নত কৰে।

নেমুত যথেষ্ট পৰিমাণে ভিটামিন চি থাকে। ই শ্বেত ৰক্তকণিকা উৎপাদন বৃদ্ধিত সহায় কৰাৰ লগতে যিকোনো সংক্ৰমণ, অক্সিডেটিভ চাপৰ পৰাও দেহক সুৰক্ষা দিয়ে।

নেমুৰ ৰসে পাচনতন্ত্ৰৰ ৰস আৰু পিত্তক উদ্দীপিত কৰে। ইয়াৰ ফলত হজম শক্তি উন্নত হয় আৰু পেট ফুলা, বদহজম আদি সমস্যাৰ পৰা সকাহ লাভ কৰে।

নেমুত থকা চাইট্ৰিক এচিডে প্ৰস্ৰাৱৰ চাইট্ৰেট বৃদ্ধি কৰে আৰু প্ৰস্ৰাৱ পাতল কৰে। লগতে নিয়মিত খাদ্যত নেমু অন্তৰ্ভুক্ত কৰিলে কিডনী ষ্টোন গঠন নহয়।

নেমুত কম কেলৰিযুক্ত পেক্টিন ফাইবাৰ থাকে। এই উপাদানে খাদ্যৰ পূৰ্ণতা বৃদ্ধি কৰাৰ লগতে লোভ নিয়ন্ত্ৰণ কৰাত সহায় কৰে। এইদৰে ওজন নিয়ন্ত্ৰণ সম্ভৱপৰ হয়।