কোনো ৰোগৰ ফলত মূৰৰ খজুৱতি হয় নেকি?

মূৰৰ খজুৱতি এক সাধাৰণ কথা। কিন্তু সঘনাই এনে হ’লে বা অধিক আমনি কৰিলে এই সমস্যা আওকাণ কৰা উচিত নহয়। বহু কাৰণত এনে হ’ব পাৰে। জানো আহক।

চুলি পৰিষ্কাৰ নকৰিলে মূৰৰ ছালত মলি আৰু তেল জমা হয়। ইয়াৰ ফলত বেক্টেৰিয়া বৃদ্ধি পায় আৰু খজুৱতি আৰম্ভ হয়। সপ্তাহত কমেও দুবাৰকৈ চুলি-মূৰ ধুব লাগে।

কিছুমান চেম্পু, কণ্ডিচনাৰ বা চুলিৰ ছিৰামত থকা ৰাসায়নিক পদাৰ্থ মূৰৰ ছালৰ লগত খাপ নাখায়, ইয়াৰ ফলত এলাৰ্জী বা খজুৱতি হ’ব পাৰে।

ছালৰ ৰোগ যেনে চ’ৰিয়াচিছ, একজিমা বা চেব’ৰেইক ডাৰ্মাটাইটিছতো মূৰৰ ছালত খজুৱতি হ’ব পাৰে। এনে ক্ষেত্ৰত চিকিৎসকৰ পৰামৰ্শ লোৱাই ভাল।

মূৰৰ ছাল পৰিষ্কাৰ আৰু আৰ্দ্ৰ কৰি ৰাখক। উফি দূৰ কৰা চেম্পু, প্ৰাকৃতিক তেল আৰু চুলিৰ যত্নৰ সঠিক সামগ্ৰী ব্যৱহাৰ কৰক। পৰাপক্ষত ছালৰ বিশেষজ্ঞৰ পৰামৰ্শ লওক।