ভাৰতীয় জাতীয় পতাকাৰ প্ৰতিটো ৰঙৰ অৰ্থ জানক

প্ৰতিখন স্বাধীন দেশৰ নিজস্ব জাতীয় পতাকা থাকে। পতাকাত থকা ৰঙৰ পৰা আৰম্ভ কৰি প্ৰতীকলৈকে সকলোৰে বিশেষ অৰ্থ আছে।

ভাৰতীয় জাতীয় পতাকা ত্ৰিৰংগ। দেশে স্বাধীনতা লাভ কৰাৰ কেইদিনমান পূৰ্বে ১৯৪৭ চনৰ ২২ জুলাইত সংবিধান সভাই ভাৰতীয় জাতীয় পতাকা গৃহীত কৰে।

ভাৰতীয় জাতীয় পতাকাৰ একেবাৰে ওপৰত গেৰুৱা, মাজত বগা আৰু তলত সেউজীয়া ৰং আছে। মাজত আছে ২৪ ডাল দণ্ডযুক্ত নীলা ৰঙৰ অশোক চক্ৰ।

পতাকাৰ গেৰুৱা ৰঙে সাহস আৰু ত্যাগক প্ৰতিনিধিত্ব কৰে। বগা ৰং শান্তি আৰু সত্যৰ প্ৰতীক আৰু সেউজীয়া ৰঙে দেশৰ উৰ্বৰতা আৰু প্ৰগতিক বুজায়।

পতাকাখনৰ মাজত নীল ৰঙৰ চক্ৰটোক অশোক চক্ৰ বুলি কোৱা হয়। ২৪ ডাল দণ্ডযুক্ত অশোক চক্ৰ ধৰ্মীয় আৰু ৰাজনৈতিক ঐতিহাসিক চিহ্ন।