30 Nov 2025
TV9 ASSAM
তুলসী পাতৰ বহু উপকাৰী গুণ আছে। প্ৰতিদিনে পুৱা শুই উঠিয়ে এটা তুলসী পাত চোবালে আপুনি ইয়াৰ ফল লাভ কৰিব। অৱশ্যে কিবা ৰোগ থাকিলে বিশেষজ্ঞৰ পৰামৰ্শ গ্ৰহণ কৰিব লাগে।
পুৱা উঠি ব্ৰাছ নকৰাকৈ তুলসী পাত খালে শৰীৰত নেচৰেল হিলিং আৰম্ভ হৈ যায়। ইয়াৰোপৰি ই চৰ্দি, কাহ, জ্বৰ আদিৰ ক্ষেত্ৰতো সহায় কৰে।
তুলসীত এন্টিবেক্টেৰিয়েল আৰু এন্টি অক্সিডেন্টছ গুণ থাকে। যিয়ে মুখত থকা ক্ষতিকাৰক বেক্টেৰিয়া নষ্ট কৰে আৰু উশাহ সতেজ কৰি তোলে। মুখৰ দুৰ্গন্ধ কম কৰে।
পুৱা শুই উঠিয়েই তুলসীৰ পাত চোবালে পেটৰ বাবেও ভাল। ইয়াৰ ফলত পেট চাফ হ'ব পাৰে। ই পাচন প্ৰক্ৰিয়া ভাল কৰাত সহায় কৰে। ই গেছ, এচিডিটি কম কৰাত সহায় কৰে।
তুলসীয়ে মানুহৰ ৰোগ প্ৰতিৰোধ ক্ষমতা শক্তিশালী কৰে। গতিকে পুৱা তুলসী পাত চোবালে দিনটো শৰীৰে বেক্টেৰিয়াৰ বিৰুদ্ধে যুঁজ দিবলৈ শক্তি পায়।
ইয়াৰোপৰি তুলসী পাতে মুখ উজ্বল কৰাত সহায় কৰে। কেইটামান দিন একেৰাহে তুলসী পাত চোবালে ইয়াৰ প্ৰভাৱ আপুনি ছালত দেখা পাব।
মানসিক স্বাস্থ্যৰ বাবেও তুলসী পাত উপকাৰী। ই মগজু শান্ত কৰি ৰাখে আৰু হৰম'নৰ ভাৰসাম্য নিয়ন্ত্ৰণত ৰখাত সহায় কৰে।
পঢ়িবলৈ ক্লিক কৰক