দিনটোত অধিক আলু খায় যদি এনে সমস্যাৰ বাবেও হওক সাজু

আমাৰ অধিকাংশ লোকৰে প্ৰিয় পাচলি আলু। সকলোৰে পাকঘৰত সততে উপলব্ধ এইবিধ পাচলি। খাদ্য তালিকাত ভিন্ন ধৰণে আলু ব্যৱহৃত হয়।

আলুত ভিটামিন বি ৬, চি, কেৰ লগতে ফাইবাৰ, ফছফৰাছ আইৰণ ইত্যাদি পুষ্টিকৰ উপাদানো পোৱা যায়। সেয়ে আলু দেহৰ বাবে উপকাৰী বিবেচিত হয়।

পুষ্টিকৰ হ’লেও পিছে আলুৰ অপকাৰিতাও নথকা নহয়। সাৱধান নহ’লে ইয়াৰ ফলত বিপদ বৃদ্ধি পাবও পাৰে। জানো আহক এই বিষয়ে।

আলুৱে তেজত চেনি বৃদ্ধি কৰিব পাৰে, বিশেষকৈ খালী পেটত আৰু নিশা নোখোৱাই উচিত। ডায়েবেটিছ ৰোগীসকলকো আলু খোৱাৰ ক্ষেত্ৰত সতৰ্ক হ’বলৈ কোৱা হয়।

আলুত যথেষ্ট পৰিমাণে কাৰ্বহাইড্ৰেট থাকে। অধিক আলু খালে সেয়ে দেহত চৰ্বি বৃদ্ধি পায় আৰু ওজন বৃদ্ধিৰ সমস্যা হয়। এইদৰে আন ৰোগৰো সম্ভাৱনা বাঢ়ে।