TV9 ASSAM
খাদ্যৰ সোৱাদৰ বাবে ৰন্ধন-প্ৰকৰণত নিমখ ব্যৱহাৰ কৰা হয়। তদুপৰি যদি পৰিমিতভাৱে সেৱন কৰা হয়, তেতিয়া স্বাস্থ্যৰ বাবেও উপকাৰী নিমখ।
বেছিকৈ নিমখ খালে পিছে স্বাস্থ্যৰ ওপৰত বিৰূপ প্ৰভাৱ পৰে, যেনে উচ্চ ৰক্তচাপ, হৃদযন্ত্ৰ আৰু বৃক্কৰ সমস্যা আদি হয়। গতিকে নিমখ কমকৈ সেৱন কৰাটো বাঞ্ছনীয়।
পিছে এজন ব্যক্তিয়ে যে অধিক পৰিমাণে নিমখ সেৱন কৰি আছে, সেই বিষয়ে কিদৰে জানিব পাৰিব? বিশেষজ্ঞৰ পৰা এই বিষয়ে জানো আহক।
এপ’ল’ স্পেকট্ৰা হাস্পতালৰ চিকিৎসক ডাঃ ৰোহিত শৰ্মাই কয় যে অধিক নিমখ খালে সঘনাই পেট ফুলা, ভৰি বা আঙুলি ফুলা, মূৰৰ বিষ, ৰক্তচাপ বৃদ্ধি, বা সঘনাই পিয়াহ আদি লক্ষণ দেখা দিব পাৰে।
যদি উচ্চ ৰক্তচাপ, সঘনাই মূৰৰ বিষ বা ওপৰত উল্লেখ কৰা লক্ষণসমূহে দেখা দিয়ে তেতিয়া চিকিৎসকৰ সৈতে কথা পাতিব লাগে। নিমখৰ লগতে ইয়াৰ আঁৰত আন কাৰণো থাকিব পাৰে।
বেছিকৈ নিমখ খালে ৰক্তচাপ বা দেহ ফুলি যোৱা সমস্যা হ’ব পাৰে, ইয়াৰ ফলত বৃক্কত চাপ পৰে। এইদৰে বৃক্ক আৰু হৃদযন্ত্ৰৰ সমস্যাৰ সম্ভাৱনা বৃদ্ধি পায়।
দিনটোত এজন ব্যক্তিৰ বাবে নিমখৰ সঠিক পৰিমাণ হৈছে ৫ গ্ৰাম। ই শৰীৰত ২০০০ মিলিগ্ৰাম ছডিয়াম যোগান ধৰে। অধিক পৰিমাণে নিমখ খালে শৰীৰত ছডিয়ামৰ মাত্ৰা বৃদ্ধি পাব পাৰে।
পঢ়িবলৈ ক্লিক কৰক
উফিৰ ফলত চুলি সৰাৰ সমস্যা হয় নেকি?