যকৃত সুস্থ ৰাখিবলৈ কি কি খাব লাগে?

শীতকালত পাচনতন্ত্ৰ লেহেমীয়া হয়। ইফালে তেল-মচলাযুক্ত খাদ্য খোৱাৰ অভ্যাস বাঢ়ি যায়। এনে অৱস্থাত যকৃতত হেঁচা পৰে। যাৰ বাবে  শীতকালত যকৃতৰ যত্ন লোৱা গুৰুত্বপূৰ্ণ।

ডাঃ সুভাষ গিৰীয়ে কয় যে,পালেং, মেথি, সৰিয়হ আদি যকৃতৰ বাবে ভাল। ইয়াত থকা ফাইবাৰ আৰু পুষ্টিকৰ উপাদানে লিভাৰ ভালে ৰাখে। ই শৰীৰৰ বেয়া পদাৰ্থ বাহিৰ কৰাত সহায় কৰে।

গাজৰ আৰু বীটে লিভাৰ সুস্থ কৰাত সহায় কৰে। ইয়াত থকা এন্টিঅক্সিডেন্টে লিভাৰৰ কাৰ্যক্ষমতা ভাল কৰে আৰু চৰ্বি জমা হোৱাত বাধা দিয়ে। ই লিভাৰ ভালে ৰাখে।

আমলখিত ভিটামিন চি থাকে। ই লিভাৰ ভালে ৰখাত সহায় কৰে।  আমলখিয়ে ৰোগ প্ৰতিৰোধ ক্ষমতা শক্তিশালী কৰাত সহায় কৰে। ইয়াৰোপৰি আমলখিৰ আৰু বহু উপকাৰী গুণ আছে।

নহৰু আৰু হালধিত এন্টি ইমফলমেটৰি গুণ থাকে।  ই লিভাৰৰ বেয়া পদাৰ্থ বাহিৰ কৰাত সহায় কৰে। অন্য সমস্যা নাথাকিলে নহৰু আৰু হালধি খাব পাৰে।

শীতকালত বহুতে কম পানী খায়। কিন্তু পানী খাব লাগে। ই পাচন প্ৰক্ৰিয়া ভাল কৰে। লিভাৰত হেঁচা কম কৰে আৰু বেয়া পদাৰ্থ বাহিৰ কৰাত সহায় কৰে।