হাড় শক্তিশালী কৰিবলৈ কি কি খাব?

শীতকালত শাৰীৰিক কাৰ্যকলাপ কম আৰু ৰ'দ কম ওলোৱা বাবে হাড় দুৰ্বল হব পাৰে। এনে অৱস্থাত হাড় শক্তিশালী কৰি ৰাখিবলৈ কিছুমান ব্যৱস্থা গ্ৰহণ কৰা উচিত।

ডাঃ সুভাষ গিৰীয়ে কয় যে, গাখীৰ, দৈ, পনিৰ আদিত প্ৰচুৰ পৰিমাণে কেলছিয়াম থাকে। শীতকালত দুগ্ধজাত খাদ্য খালে হাড় মজবুত হোৱাত সহায় হয় আৰু গাঁঠিৰ বিষ কমে।

পালেং, মেথি আদিকে ধৰি সেউজীয়া শাক-পাচলিত কেলছিয়াম আৰু ভিটামিন কে থাকে। গতিকে হাড়ৰ ঘনত্ব বৃদ্ধি কৰিবলৈ আৰু দুৰ্বলতাৰ পৰা ৰক্ষা কৰিবলৈ এয়া খাব পাৰে।

বাদাম, অখৰোট, তিল আদিত কেলছিয়াম আৰু ভাল চৰ্বি প্ৰচুৰ পৰিমাণে থাকে। শীতকালত এইবোৰ খালে হাড় ভিতৰৰ পৰা শক্তিশালী হৈ পৰে।

কণী আৰু ফেটি ফিচত ভিটামিন ডি পোৱা যায়। ইয়াত প্ৰচুৰ পৰিমাণে প্ৰটিনো থাকে। হাড় শক্তিশালী কৰি ৰাখিবলৈ শীতকালত কণী আৰু ফেটি ফিচ খাব পাৰে।

কমলা, আমলখি, মধুৰিআম আদিত প্ৰচুৰ পৰিমাণে ভিটামিন চি থাকে। ই কোলেজন বনোৱাত সহায় কৰে। ই হাড় আৰু গাঁঠিৰ বাবে প্ৰয়োজনীয়।