শীতকালত এনে খাদ্যই বঢ়ায় হজম শক্তি তথা ৰোগ প্ৰতিৰোধ ক্ষমতা

গাজৰ, বিট, আপেল, কমলা বা ব্ৰকলিৰ দৰে খাদ্যত ডায়েটাৰী ফাইবাৰ থাকে, ই অন্ত্ৰ পৰিষ্কাৰ কৰি ৰাখে আৰু মলত্যাগত সহায় কৰে। ফাইবাৰ অন্ত্ৰত থকা উপকাৰী বেক্টেৰিয়াৰ খাদ্য হিচাপে কাম কৰে।

আদা-নহৰুৱে কেৱল শীতকালত ঠাণ্ডা দূৰ কৰাই নহয়, অন্ত্ৰৰ প্ৰদাহ কমায় আৰু পাচনতন্ত্ৰ সক্ৰিয় কৰি ৰাখে। আদা, নহৰুৰ এন্টিমাইক্ৰ’বিয়াল গুণে অন্ত্ৰক সংক্ৰমণৰ পৰা মুক্ত কৰি ৰাখে।

মগুৰ দৰে প্ৰটিন সমৃদ্ধ খাদ্যসমূহ সহজে হজম হয় আৰু আন্ত্ৰিক অংশত ভাল বেক্টেৰিয়া বৃদ্ধিত সহায় কৰে। শীতকালৰ দুপৰীয়া হজমৰ বাবে গৰম দাইলৰ চূপ আদৰ্শ খাদ্য হ’ব পাৰে।

শীতকালত বহুলোকে পানী কমকৈ খায়। এয়া আন্ত্ৰিক স্বাস্থ্যৰ বাবে ক্ষতিকাৰক। গতিকে নিয়মিতভাৱে গৰম পানী বা আদা-তুলসী দিয়া চাহ খালে পাচন প্ৰক্ৰিয়া স্বাভাৱিক হৈ থাকে।