শাওনৰ সোমবাৰত ভুলতো নকৰিব এই কাম

আজিৰ পৰা আৰম্ভ হৈছে ব'লব'ম যাত্ৰা। হিন্দু পঞ্জিকা অনুসৰি ১১ জুলাইৰ পৰা শাওণৰ আৰম্ভণি। কিন্তু অসমীয়া কেলেণ্ডাৰ মতে, ১৮ জুলাইৰ পৰা আৰম্ভ হ'ব শাওন। এই মাহটো শিৱৰ মাহ।

শাওনৰ প্ৰথম সোমবাৰ ১৪ জুলাই, দ্বিতীয় ২১ জুলাই, তৃতীয় ২৮ জুলাই আৰু চতুৰ্থ ৪ আগষ্ট। মান্যতা অনুসৰি, প্ৰতি সোমবাৰে ভগৱান শিৱৰ পূজা কৰিলে শিৱ সন্তুষ্ট হয় আৰু মনৰ কামনা পূৰণ হয়।

শাওনৰ সোমবাৰত আমিষ খাদ্য খোৱাৰ পৰা বিৰত থাকক। এই দিনটোত পিঁয়াজ, নহৰু আদিও খাব নালাগে। এই দিনটোত নিৰামিষ খাদ্য গ্ৰহণ কৰক। ব্ৰত ৰাখিব পাৰিলে আৰু ভাল।

শাওনৰ সোমবাৰে ক'লা ৰঙৰ কাপোৰ পৰিধান কৰিব নালাগে। কিয়নো ক'লা ৰঙে নকৰাত্মকতা বিয়পায়। এইদিনটোত আপুনি ভালদৰে গা ধুই শুদ্ধ মনেৰে শিৱক পূজা কৰিব পাৰে।

যদি আপুনি শাওণৰ সোমবাৰে ব্ৰত ৰাখিছে তেন্তে ভুলতো দিনত নুশুব। এই দিনটোত আপুনি শিৱৰ মন্ত্ৰ জপ কৰিব। ১০৮ বাৰ ওমঃ নমঃ শিৱায় জপ কৰিলে ভাল ফল পোৱা যায়। এই দিনটোত আপুনি দান কৰিব পাৰে।