পাকঘৰৰ এই মচলাই নষ্ট কৰিব পাৰে বৃক্ক

বৃক্কই শৰীৰৰ বিভিন্ন প্ৰয়োজনীয় কাম কৰে। ই তেজ পৰিষ্কাৰ কৰাত সহায় কৰে। লগতে ব্লাড প্ৰেচাৰ নিয়ন্ত্ৰণত ৰখাত সহায় কৰে। গতিকে বৃক্কৰ যত্ন লোৱা অতি প্ৰয়োজন।

কিন্তু আপুনি জানি আচৰিত হ'ব যে, আপোনাৰ পাকঘৰত থকা এক বিশেষ বস্তুই বৃক্কত প্ৰভাৱ পেলায়। যাৰ ফলত বৃক্কত সমস্যা বা বৃক্ক বিকল হ'ব পাৰে।

যিসকলে খাদ্যৰ ওপৰত বেছিকৈ নিমখ দি খাই তেওঁলোকৰ ক্ৰোনিক কিডনী ডিজিজ হোৱাৰ সম্ভাৱনা ২৯ শতাংশ বেছি থাকে। গতিকে নিমখ কমকৈ খাব লাগে।

নিমখৰ পৰা শৰীৰত পানী ৰৈ যায়, যাৰ ফলত বৃক্কত হেঁচা পৰে। উচ্চ ৰক্তচাপে বৃক্কক বেছিকৈ কাম কৰাৰ বাবে হেঁচা দিয়ে, যাৰ বাবে বৃক্ক লাহে লাহে দুৰ্বল হ'বলৈ ধৰে।

বিশেষজ্ঞৰ মতে, প্ৰতিদিনে ২,৩০০ মিলিগ্ৰাম (১ চামুচ)তকৈ কম নিমখ খাব লাগে। যাৰ উচ্চ ৰক্তচাপ আছে সেইসকলে ১,৫০০ মিলিগ্ৰাম নিমখ খাব লাগে।

ইয়াৰোপৰি কমকৈ পানী খোৱা, বিশেষজ্ঞৰ পৰামৰ্শ নোলোৱাকৈ ঔষধ সেৱন, নিচাযুক্ত দ্ৰব্য সেৱন, প্ৰচেচড ফুড, কিছুমান পানীয় আদিয়ে বৃক্কত প্ৰভাৱ পেলায়।