‘বাৰ্থ ডে’ বয় ৰিয়ানৰ নামত আছে এইসমূহ অভিলেখ

অসমৰ তাৰকা ক্ৰিকেটাৰ ৰিয়ান পৰাগে আজি ২৪তম জন্মদিন উদযাপন কৰিছে। জন্মদিনৰ ক্ষণত চাওঁ আহক তেওঁৰ কিছু অভিলেখ।

ৰিয়ান হৈছে ভাৰতীয় দলক প্ৰতিনিধিত্ব কৰা অসম তথা উত্তৰ-পূবৰ প্ৰথমজন খেলুৱৈ। ভাৰতৰ হৈ তেওঁ ১খন এদিনীয়া আৰু ৯খন এদিনীয়া খেলিছে।

২০২৩-২৪ বৰ্ষৰ চৈয়দ মুস্তাক আলী ট্ৰফীত একেলগে ৭টা ইনিংছত অৰ্ধশতক অৰ্জন কৰি টি-২০ত এনে কৰা প্ৰথম বেটাৰৰ অভিলেখ ৰচিছিল।

চলিত বৰ্ষৰ IPLত কলকাতা নাইট ৰাইডাৰ্ছৰ বিৰুদ্ধে একাৰাহে ৬টা ছয় কোবাই প্ৰতিযোগিতাখনত এনে কৰা প্ৰথম খেলুৱৈৰ অভিলেখ ৰচে।

IPLৰ এটা ছিজনত দ্বিতীয় সৰ্বাধিক কেচৰ অধিকাৰী ৰিয়ান (১৭)। শীৰ্ষত থকা এবিডে ভিলিয়াৰ্ছৰ নামত আছে এটা ছিজনৰ সৰ্বাধিক কেচৰ অভিলেখ (১৯)।

IPLৰ এই সংস্কৰণত বৈভৱ সূৰ্যবংশীয়ে ৰেকৰ্ড ভংগ নকৰালৈকে ৰিয়ানৰ নামত আছিল IPLত সৰ্বকনিষ্ঠ অৰ্ধশতক অৰ্জনকাৰীৰ অভিলেখ।

IPLৰ ইতিহাসত চতুৰ্থ স্থানত বেটিং কৰি যিকোনো ছিজনত সৰ্বাধিক ৰানৰ অভিলেখ ৰিয়ানৰ নামত। ২০২৪ৰ সংস্কৰণত তেওঁ সংগ্ৰহ কৰিছিল ৫৭৩ ৰান।