ভাৰতীয় ক্ৰিকেটত ১১ বছৰৰ পাছত দেখা যাব এনে ঘটনা

আঘাতৰ বাবে শুভমন গিল গুৱাহাটী টেষ্টৰ পৰা বাহিৰ হৈছে। ফলত ঋষভ পণ্টক অধিনায়ক হিচাপে নিযুক্তি দিয়া হৈছে। এই মুহূৰ্ত পণ্টৰ লগতে ভাৰতীয় ক্ৰিকেটৰ বাবেও হ’ব বিশেষ।

টেষ্ট ক্ৰিকেটত নেতৃত্ব দিয়া ৩৮ সংখ্যক ভাৰতীয় খেলুৱৈ হ’ব ঋষভ পণ্ট। লগতে তেওঁ ধোনীৰ পিছত ভাৰতীয় টেষ্ট দলৰ নেতৃত্ব দিয়া প্ৰথমজন উইকেটকীপাৰ হিচাপে পৰিগণিত হ’ব।

২০০৮ চনৰ পৰা ২০১৪ চনলৈ ভাৰতীয় টেষ্ট দলৰ অধিনায়ক আছিল এম এছ ধোনী। এতিয়া ১১ বছৰৰ মূৰত ভাৰতীয় ক্ৰিকেটে টেষ্ট ক্ৰিকেটত উইকেটকীপাৰ অধিনায়ক লাভ কৰিব।

গিল আঘাতপ্ৰাপ্ত হোৱাৰ পিছত শৃংখলাৰ প্ৰথমখন মেচতো ভাৰপ্ৰাপ্ত অধিনায়কৰ ৰূপত দেখা গৈছিল ঋষভ পণ্টক। ইতিপূৰ্বে পণ্টে টি-২০ ফৰ্মেটত ভাৰতক নেতৃত্ব দিছিল।