চুলি দীঘল আৰু ধুনীয়া কৰিবলৈ এনেদৰে ব্যৱহাৰ কৰক এলোভেৰা

আজিকালি বহুতে চুলি সৰাৰ সমস্যাত ভোগে। এনে সমস্যাৰ পৰা পৰিত্ৰাণ পাবলৈ বহুতে বহু প্ৰডাক্ট বা ঘৰুৱা উপায় অৱলম্বন কৰে।

এলোভেৰা জেলত ভিটামিন এ, ভিটামিন বি ১২, চি, ই, ফেটী এচিড আৰু অমীনো এচিড আদি থাকে। এইসমূহ উপাদানে চুলি মজবুত কৰি ৰখাৰ লগতে চুলি সৰা কম কৰে।

এলোভেৰা জেলৰ লগত নাৰিকল তেল মিহলাই চুলিত লগাব পাৰে। এনে কৰিলে চুলি কোমল আৰু ধুনীয়া হৈ পৰে। চুলি ধোৱাৰ ২ ঘন্টা পূৰ্বে এই মিশ্ৰণ লগাব পাৰে।

১টা পকা কল আৰু ২ চামুচ এলোভেৰা জেলৰ এটা মিশ্ৰণ বনাই চুলিত লগাওক। ৩০ মিনিট ৰখাৰ পাছত চুলি ধুই দিয়ক। এনে কৰিলে চুলি কোমল আৰু ধুনীয়া হয়।

১ টা কণীত ২ চামুচ এলোভেৰা জেল মিহলাই চুলিত লগাব পাৰে। ২০-৩০ মিনিট ৰখাৰ পাছত চুলিখিনি ধুই দিয়ক। এনে কৰিলে চুলি মজবুত হয় আৰু চুলি সৰা সমস্যা কম হয়।