হাওঁফাওঁ সংক্ৰমণ লক্ষণসমূহ কি কি,জানক...

হাওঁফাওঁৰ সংক্ৰমণ হ'লে শৰীৰত বিভিন্ন লক্ষণে দেখা দিয়ে। এই সন্দৰ্ভত সবিশেষ জনাইছে মেক্স হাস্পাতালৰ চিকিৎসক ডাঃ ৰোহিত কুমাৰে। তেওঁ কয় যে, এই লক্ষণসমূহ আওকান কৰিব নালাগে।

চিকিৎসকগৰাকীয়ে কয় যে, হাওঁফাওঁৰ সংক্ৰমণ হ'লে অনবৰত কাহ হৈ থাকে। কাহৰ লগত শ্লেমা ওলাব পাৰে। যদি বহুদিন ধৰি কাহ নকমে তেন্তে বিশেষজ্ঞৰ পৰামৰ্শ ল'ব লাগে।

হাওঁফাওঁৰ সংক্ৰমণৰ ফলত জ্বৰ হ'ব পাৰে। জ্বৰৰ লগতে ঠাণ্ডা লগা, ঘাম ওলোৱা, কঁপি উঠা আদি অনুভৱ হব পাৰে। গতিকে জ্বৰ বেছিদিন থাকিলে বিশেষজ্ঞৰ পৰামৰ্শ লোৱা ভাল।

হাওঁফাওঁৰ সংক্ৰমণৰ ফলত বুকুত বিষ অনুভৱ হ'ব পাৰে। কাহৰ সময়ত বা উশাহ-নিশাহ লোৱাৰ সময়ত এই বিষ অনুভৱ হ'ব পাৰে। কেতিয়াবা এই বিষ সাধাৰণ, কেতিয়াবা তীব্ৰ হয়।