এদিনত এজন লোকে কিমান কণী খোৱা উচিত জানেনে?

কণী অতি দেহ উপকাৰী খাদ্য, সেয়া আমি জানো। সেয়ে দৈনিক খাদ্য তালিকাত কণী থাকিলে ভাল। পিছে বেছিকৈ কণী খোৱা শৰীৰৰ বাবে ভাল নে বেয়া?

কণীয়ে দেহত প্ৰটিনৰ যোগান ধৰে। বহুলোকে স্বাস্থ্যসন্মত জীৱনশৈলীৰ বাবে দৈনিক কণী খায়। অৱশ্যে দিনটোত বেছিকৈ কণী খোৱাটো ভাল নহয়।

চিকিৎসকৰ মতে, এজন প্ৰাপ্তবয়স্ক লোকে গোটেই দিনটোত সৰ্বাধিক ৩টা কণী খাব পাৰে। ইয়াতকৈ বেছি পৰিমাণে কেতিয়াও খোৱা উচিত নহয়।

কিন্তু যিসকলৰ উচ্চ ৰক্তচাপ বা কলেষ্টেৰল আছে তেওঁলোকে কণী খাব নালাগে। বেছিকৈ কণী খালে কলেষ্টেৰল বৃদ্ধি হোৱাৰ সম্ভাৱনা থাকে।

যদি আপুনি কেৱল প্ৰটিনৰ বাবেহে কণী খাব লাগে, তেতিয়া এটাতকৈ অধিক কণী খাব নালাগে। তেতিয়াও কেৱল কণীৰ বগা অংশহে খাব লাগে।

খেলুৱৈ অৰ্থাৎ ক্ৰীড়াৰ লগত জড়িতসকলে দিনটোত ২ৰ পৰা ৪টা কণী খায়। অৱশ্যে খাদ্য বিশেষজ্ঞৰ লগত আলোচনা কৰিহে এই সিদ্ধান্ত লোৱা উচিত।