পৰিয়ালৰ অৱনতিৰ কাৰণ হ’ব পাৰে পত্নীৰ এনে কু-অভ্যাস

নাৰীৰ গুণ সুখী পৰিয়ালৰ আধাৰ বুলি সততে কোৱা হয়। একেদৰে সফল পুৰুষৰ আঁৰত সদায় কোনোবা এগৰাকী নাৰীৰ ভূমিকা থাকে বুলিও কোৱা হয়।

চাণক্যৰ নীতিত কোৱা হৈছে যে সকলো নাৰী সমান নহয়, বহু নাৰীৰ মাজত ধ্বংসৰ বীজ থাকে। যিকোনো ব্যক্তি বা পৰিয়ালক তেওঁলোকে ৰসাতললৈ পঠিয়াব পাৰে।

গতিকে বিয়াৰ পূৰ্বে সংগী লগত কথা পাতিব লাগে। যদি এনে কোনো অভ্যাস চকুত পৰে, তৎক্ষণাত সাৱধান হোৱা উচিত। প্ৰয়োজন হ’লে সেই সম্পৰ্ক ছিন্ন কৰাও উচিত।

চাণক্যৰ নীতি অনুসৰি কঠোৰ বা বেয়া কথাত অভ্যস্ত সংগীক ত্যাগ কৰাই উচিত। যিসকলে আনৰ অনুভৱক গুৰুত্ব নিদিয়ে তেওঁলোকে সমগ্ৰ পৰিয়ালৰ ভাবমূৰ্তি নষ্ট কৰিব পাৰে।

চাণক্যৰ মতে খঙত ব্যক্তিয়ে উচিত-অনুচিতৰ মাজত পাৰ্থক্য পাহৰি যায় আৰু ইয়াৰ ফলত আনৰ কষ্ট হয়। এনে সম্পৰ্কত কেতিয়াও সুখ থাকিব নোৱাৰে।

চাণক্যৰ মতে মন, আচৰণ আৰু কৰ্মত নিৰ্মল হোৱা নাৰীয়েই হৈছে এগৰাকী আদৰ্শ পত্নী। ভাল আচৰণ, শহুৰ-শাহুক নিজৰ বুলি গণ্য কৰা নাৰী এগৰাকী নিপুণ গৃহিণী।