বুমৰাহৰ হাতত ‘মহা অভিলেখ’ৰ সুযোগ, লাগে মাত্ৰ এটা উইকেট

ভাৰত এই শৃংখলাত ২-১ ব্যৱধানত আগবাঢ়ি আছে। আজি জয়ী হৈ ভাৰতে শৃংখলা কৰিব বিচাৰিব। মেচখনত যশপ্ৰীত বুমৰাহে এক বিশেষ অভিলেখ গঢ়িব পাৰে।

গাব্বাত আজি বুমৰাহৰ ওপৰত বিশেষ দৃষ্টি থাকিব। আজি বুমৰাহৰ হাতত এক বৃহৎ অভিলেখৰ সুযোগ আছে। ইয়াৰ বাবে বুমৰাহক মাত্ৰ এটা উইকেটৰ প্ৰয়োজন।

আজি বুমৰাহে এটা উইকেট দখল কৰিলেই অৰ্শদীপ সিঙৰ পিছত টি-২০ত ১০০টা উইকেট দখল কৰা দ্বিতীয়জন ভাৰতীয় বলাৰ হিচাপে পৰিগণিত হ’ব।

ইয়াৰ লগে লগে বুমৰাহ তিনিওটা ফৰ্মেটতে ১০০টা উইকেট দখল কৰা প্ৰথমজন ভাৰতীয় বলাৰ হিচাপে এক ঐতিহাসিক কৃতিত্ব অৰ্জন কৰিব।

এইপৰ্যন্ত বুমৰাহে ৭৯ খন টি-২০ত ৯৯ টা, ৮৯ খন এদিনীয়াত ১৪৯ টা উইকেট দখল কৰাৰ বিপৰীতে টেষ্টত মাত্ৰ ৫০খন মেচত ২২৬টা উইকেট দখল কৰিছে।