ভাৰতৰ এই ৩ খেলুৱৈয়ে টি-২০ত এইপৰ্যন্ত কোবোৱা নাই এটাও ছয়

এদিনীয়া শৃংখলাত পৰাস্ত হোৱাৰ পিছত ২৯ অক্টোবৰৰ পৰা অষ্ট্ৰেলিয়াৰ বিৰুদ্ধে পাঁচখন মেচৰ টি-২০ শৃংখলাত নামিব সূৰ্যকুমাৰ যাদৱ নেতৃত্বাধীন ভাৰতীয় দল।

কুলদীপ যাদৱে ভাৰতৰ হৈ এইপৰ্যন্ত ৪৭ খন টি-২০ মেচ খেলিছে, ৮ ইনিংছত ৪৭ ৰান সংগ্ৰহ কৰিছে যদিও এইপৰ্যন্ত তেওঁ এটাও ছয় কোবাবলৈ সক্ষম হোৱা নাই।

ভাৰতৰ হৈ এই পৰ্যন্ত ৭৫ খন টি-২০ মেচ খেলিছে যশপ্ৰীত বুমৰাহে। ইয়াৰে ৮খন মেচত তেওঁ বেটিং কৰাৰ সুযোগ পাইছে যদিও আজিলৈকে ছয় কোবাব পৰা নাই।

ভাৰতৰ হৈ এইপৰ্যন্ত ২৪ খন টি-২০ মেচ খেলা বৰুণ চক্ৰৱৰ্তীয়েৰ বেটৰ পৰাও অহা নাই ছয়। অৱশ্যে তেওঁ মাত্ৰ ৬টা বলতহে বেটিং কৰাৰ সুযোগ পাইছে।

অৱশ্যে এই তিনিও তাৰকা সাম্প্ৰতিক সময়ত ভাৰতীয় বলিং লাইন আপৰ প্ৰধান শক্তি। অষ্ট্ৰেলিয়াৰ বিপক্ষেও তেওঁলোকৰ প্ৰদৰ্শন হ’ব লক্ষণীয়।