শীতকালত এইদৰে যত্ন লওক হৃদযন্ত্ৰৰ স্বাস্থ্যৰ

শীতত ৰক্তবাহী নলী সংকুচিত হোৱাৰ ফলত ৰক্তচাপ বৃদ্ধি পায়, ফলত হৃদযন্ত্ৰৰ ওপৰত চাপ পৰে। শীতে তেজ ঘন কৰি তোলাৰ বাবে তেজ জমা হোৱাৰ সম্ভাৱনা বৃদ্ধি পায়।

বিশেষজ্ঞ চিকিৎসক ডাঃ অজিত জৈনে শৰীৰৰ উষ্ণ কৰি ৰাখিবলৈ ভালদৰে গৰম কাপোৰ পিন্ধাৰ পৰামৰ্শ দিয়ে। মূৰ, কাণ, ভৰি ঢাকি ৰাখিলে হৃদযন্ত্ৰৰ ওপৰত চাপ কমি যায়।

পুৱাৰ সময়ত উষ্ণতা আটাইতকৈ কম হয়, সেয়ে পুৱা সোনকালে ওলাই গ’লে হৃদযন্ত্ৰত প্ৰভাৱ পৰিব পাৰে। সূৰ্য উদয়ৰ পিছত খোজ কাঢ়িলে ৰক্ত সঞ্চালন উন্নত হয়।

খোজ কঢ়া আৰু ষ্ট্ৰেচিঙে হৃদযন্ত্ৰৰ ওপৰত চাপ সৃষ্টি নকৰাকৈ শৰীৰ সক্ৰিয় কৰি ৰাখে। শীতত হঠাতে গধুৰ ব্যায়াম আৰম্ভ কৰাৰ পৰা বিৰত থাকক।

শীতকালতো দেহৰ পানীৰ প্ৰয়োজনীয়তা একেই থাকে, গতিকে দিনটোত পৰ্যাপ্ত্য পানী খাব লাগে। কুহুমীয়া পানীয়ে তেজ পাতল কৰি ৰাখি হৃদযন্ত্ৰক সুৰক্ষা প্ৰদান কৰে।

গধুৰ আৰু ভজা খাদ্যই শীতকালত কলেষ্টেৰল বৃদ্ধি কৰিব পাৰে। লঘু, সুষম খাদ্যই হৃদযন্ত্ৰক সুস্থ কৰি ৰাখে। সেয়ে অধিক খাদ্য খোৱাৰ পৰা বিৰত থাকক।

মদ্যপানে ঠাণ্ডাত হৃদযন্ত্ৰৰ কাৰ্যক্ষমতা আৰু অধিক দুৰ্বল কৰি তোলে। সেইদৰে মানসিক চাপ আৰু ধূমপানে ৰক্তবাহী নলী সংকুচিত কৰি হৃদযন্ত্ৰৰ ওপৰত চাপ বৃদ্ধি কৰে।