4 October 2025
TV9 ASSAM
ৰক্তচাপ স্বাভাৱিকতে বেছি হ'লে উচ্চ ৰক্তচাপৰ সমস্যা সৃষ্টি হয়। ইয়াৰ ফলত ৰক্তবাহী নলী আৰু হৃদযন্ত্ৰৰ ওপৰত চাপ বৃদ্ধি পায়।
বেয়া জীৱনশৈলী, ভুল খাদ্যাভ্যাস, শৰীৰ চৰ্চাৰ অভাৱ, মানসিক চাপ আৰু মেদবহুলতা উচ্চ ৰক্তচাপৰ প্ৰধান কাৰণ।
উচ্চ ৰক্তচাপৰ ফলত শৰীৰত বিভিন্ন লক্ষণে দেখা দিয়ে। ইয়াক আওকাণ কৰা উচিত নহয়। উচ্চ ৰক্তচাপৰ প্ৰধান তিনিটা লক্ষণ জানক।
উচ্চ ৰক্তচাপত মগজুৰ স্নায়ুৰ ওপৰত চাপ বৃদ্ধি পায়। ফলত মূৰৰ বিষ হ'ব পাৰে। ৰাতিপুৱা সময়ত এই বিষ অধিক অনুভৱ হ'ব পাৰে।
উচ্চ ৰক্তচাপে হৃদযন্ত্ৰৰ ওপৰত চাপ বৃদ্ধি কৰে। ফলত হৃদস্পন্দন বৃদ্ধি পাবলৈ ধৰে। ই হৃদযন্ত্ৰৰ সমস্যাৰ সম্ভাৱনাও বৃদ্ধি কৰে।
উচ্চ ৰক্তচাপৰ ফলত শৰীৰৰ বহু অংশত ৰক্ত সঞ্চালন সঠিকভাৱে নহয়। ফলত শৰীৰত অক্সিজেনৰ যোগানত সমস্যা সৃষ্টি হয়। যাৰ বাবে মূৰ ঘূৰোৱা বা ভাগৰুৱা অনুভৱ হয়।
এই তিনিটা লক্ষণে দেখা দিলে যিমান পাৰে সোনকালে চিকিৎসকৰ পৰামৰ্শ গ্ৰহণ কৰক। ৰক্তচাপ নিয়ন্ত্ৰণৰ বাবে ঔষধ গ্ৰহণ কৰক।
পঢ়িবলৈ ক্লিক কৰক