TV9 ASSAM
আমাৰ পাকঘৰত সততে উপলব্ধ এবিধ সামগ্ৰী আদা। কেৱল খাদ্যৰ সোৱাদ বৃদ্ধিতে নহয়, ইয়াৰ বহু উপকাৰী গুণো আছে।
দেহৰ বিষ, চৰ্দি, হজম শক্তি, পেশীৰ স্বাস্থ্য, মেদবহুলতা, ডায়েবেটিছ আদি ভিন্ন ক্ষেত্ৰত আদাই দেহৰ যথেষ্ট উপকাৰ সাধন কৰে।
এনে উপকাৰী গুণৰ পিছতো কিন্তু কিছুমান ক্ষেত্ৰত আদা বিপদৰ কাৰণ হ’ব পাৰে। জানো আহক এই বিষয়ে।
কম ওজনৰ লোকে যদি ওজন বৃদ্ধিৰ চেষ্টা কৰি আছে, আদা অধিক পৰিমাণে খোৱাৰ পৰা বিৰত থাকক।
যদি আপুনি ডায়েবেটিছ বা উচ্চ ৰক্তচাপৰ ঔষধ গ্ৰহণ কৰি আছে, তেতিয়াহ’লে অধিক পৰিমাণে আদা খোৱাৰ পৰা বিৰত থাকক।
হিমোফিলিয়া ৰোগৰ ঔষধ গ্ৰহণ কৰি থাকিলেও আদা অধিক খোৱা উচিত নহয়। দেহত এই সমস্যা হ’লে তেজৰ সমস্যাই দেখা দিয়ে।
গৰ্ভাৱস্থাত আদা বেছিকৈ খালে পেশী সংকোচন হ’ব পাৰে, ফলত অকাল প্ৰসৱ হ’ব পাৰে। বহু চিকিৎসকে সেয়ে গৰ্ভাৱস্থাৰ অন্তিম তিনিটা মাহত আদা নাখাবলৈ পৰামৰ্শ দিয়ে।
পঢ়িবলৈ ক্লিক কৰক
আহাৰ গ্ৰহণৰ পিছত নকৰিব এই ৫টা ভুল