টোপনিৰ অভাৱে শৰীৰত কেনেধৰণৰ ক্ষতি কৰে?

টোপনিয়ে শৰীৰ আৰু মনক প্ৰয়োজনীয় বিশ্ৰাম আৰু শক্তিৰে ভৰাই তোলে। কিন্তু বহুতে টোপনিৰ গুৰুত্ব নিদি আন কামত সময় কটায়। আপুনি জানেনে ইয়াৰ স্বাস্থ্যৰ ওপৰত কি প্ৰভাৱ পৰে?

টোপনিৰ অভাৱে ঘ্ৰেলিন আৰু লেপ্টিন হৰম’নৰ ভাৰসাম্য বিঘ্নিত কৰে।  ফলত শক্তিৰ অভাৱ, কাম কৰাৰ ক্ষমতা হ্ৰাস, ওজন বৃদ্ধি আদিত অৰিহণা যোগায়।

অনিয়মিত টোপনিয়েও হৃদযন্ত্ৰৰ শ্বাস-প্ৰশ্বাসতন্ত্ৰ দুৰ্বল কৰি তুলিব পাৰে। ইয়াৰ ফলত উচ্চ ৰক্তচাপ, হৃদৰোগ, ষ্ট্ৰোক আৰু হৃদযন্ত্ৰৰ ৰোগৰ সম্ভাৱনা বৃদ্ধি কৰে।

টোপনিৰ অভাৱে শৰীৰৰ ডি এন এ মেৰামতি আৰু কোষ বিভাজনত ব্যাঘাত জন্মায়। ইয়াৰ লগতে মেলাটনিন হৰম’নৰ অভাৱো দেখা দিয়ে, যাৰ ফলত কিছুমান বিশেষ কেন্সাৰ, যেনে স্তন, প্ৰষ্টেট আৰু কলন কেন্সাৰৰ সম্ভাৱনা বৃদ্ধি পায়।

পৰ্যাপ্ত টোপনি নহ’লে আপোনাৰ স্বাস্থ্যৰ ওপৰত একাধিক প্ৰভাৱ পৰিব পাৰে। উপৰোক্ত সমস্যাৰ উপৰিও খিংখিঙীয়া, ক্লান্তি আৰু হতাশাৰ দৰে সমস্যাও হ’ব পাৰে।