গোটেই দিনটো থকা অৱসাদৰ ভাৱ দূৰ কৰিব এনে অভ্যাসে

কিছুলোকে গোটেই দিনটো এনে অৱসাদৰ ভাৱ অনুভৱ কৰে। এনে পৰিস্থিতিত আপোনাৰ কৰ্মজীৱন তথা ব্যক্তিত্বৰ প্ৰতিও বিপদ নামি আহে।

ব্যস্ততা বা কামৰ হেঁচাই ব্যক্তিৰ মানসিক স্বাস্থ্যৰ ওপৰত প্ৰভাৱ পেলায়। এই চাপ দূৰ কৰিবলৈ দৈনিক ৫-১০ মিনিট সময় শান্ত পৰিৱেশত ধ্যান কৰক।

টোপনিৰ অভাৱে ব্যক্তিৰ দেহৰ লগতে মানসিক স্বাস্থ্যলৈও বিপদ নমাই আনে। এনে সমস্যাৰ পৰা ৰক্ষা পাবলৈ দৈনিক ৭ৰ পৰা ৮ ঘণ্টা শুব লাগে।

পুৱা ব্ৰেকফাষ্ট গ্ৰহণ নকৰিলে বা অস্বাস্থ্যকৰ খাদ্য খালে দিনটোলৈ দুৰ্বলতা অনুভৱ হয়। গতিকে স্বাস্থ্যকৰ খাদ্যাভ্যাসৰ অভ্যাস গঢ়ি তোলা প্ৰয়োজন।

দেহত পানীৰ অভাৱ হ’লেও অলস ভাৱ বা দুৰ্বলতা অনুভৱ কৰে। গতিকে দৈনিক কমেও ২ লিটাৰ পানী খাব লাগে। লগতে কিছুমান ফল-মূলো খাব লাগে।

একেটা স্থানতে বহি বহুসময় কাম কৰিলে এলাহ ভাৱৰ জন্ম হয়। সেয়ে কামৰ মাজে মাজে কিছু সময়ৰ বাবে হ’লেও বিৰতি লোৱাটো অত্যন্ত প্ৰয়োজনীয়।