ফেটি লিভাৰৰ লক্ষণসমূহ কি কি জানক...

যেতিয়া যকৃতত অতিৰিক্ত চৰ্বি জমা হয় তেতিয়া ফেটি লিভাৰ হয়। ফেটি লিভাৰ আজিৰ এক ডাঙৰ সমস্যা। বহু লোক এই ফেটি লিভাৰৰ সমস্যাত আক্ৰান্ত হোৱা দেখা যায়।

যেতিয়া ফেটি লিভাৰ হয় তেতিয়া বিভিন্ন লক্ষণে দেখা দিয়ে। এই লক্ষণবোৰ দীৰ্ঘদিন দেখা দিয়াৰ লগে লগে চিকিৎসকৰ পৰামৰ্শ গ্ৰহণ কৰিব লাগে।  

যদি আপোনাৰ খাদ্য, জীৱনশৈলী সলনি নোহোৱাকৈ পেটৰ আশে পাশে চৰ্বি বৃদ্ধি হৈছে তেন্তে ই ফেটি লিভাৰৰ লক্ষণ হ'ব পাৰে।  এনে অৱস্থাত বাকী অংশত চৰ্বি বৃদ্ধি নহয়।

ফেটি লিভাৰ হলে সকলো সময়তে মানুহে ভাগৰ অনুভৱ কৰি থাকে। পৰ্যাপ্ত টোপনি, আৰামৰ পাছতো যদি বাৰে বাৰে ভাগৰ লাগি থাকে তেন্তে এয়া ফেটি লিভাৰৰ লক্ষণ হ'ব পাৰে।

ফেটি লিভাৰ হ'লে যকৃতে ঠিকমতে কাম নকৰে। তেনে অৱস্থাত ভোক কম লাগে। ইয়াৰোপৰি অলপ খাদ্য গ্ৰহণ কৰাৰ পাছতে পেট ভৰ্তি, বমি বমি ভাব অনুভৱ হয়।

যকৃত আমাৰ শৰীৰৰ সোঁফালে থাকে। যদি পেটৰ সোঁফালে ওপৰৰ অংশত বিষ হয় তেন্তে এয়া ফেটি লিভাৰৰ লক্ষণ হ'ব পাৰে। কেতিয়াবা এই বিষ বেছি, কেতিয়াবা কম হ'ব পাৰে।