ঘৰৰ ভিতৰত ফেনেৰে কাপোৰ শুকুৱালে কি ক্ষতি হয় জানেনে?

বাৰিষাৰ সময়ত বহু লোকৰে কাপোৰ শুকুৱাৰ সমস্যা হয়। শীতকালতো সাধাৰণতে এনে সমস্যাই হয়। সেয়ে বহু লোকে ঘৰৰ ভিতৰত ফেনেৰে কাপোৰ শুকুৱাই লয়।

কাপোৰ শুকুৱাবলৈ সহজ হয় যদিও অৱশ্যে এই অভ্যাসৰ কিছু ক্ষতিকাৰক দিশ আছে। ঘৰৰ ভিতৰত তিতা কাপোৰ শুকাবলৈ দিলে জলীয় বাষ্পৰ সৃষ্টি হয়।

ঘৰৰ আৰ্দ্ৰতা বাঢ়িলে ভেঁকুৰৰ সৃষ্টি হ’ব পাৰে। এই পৰিৱেশত থাকিলে শ্বাস-প্ৰশ্বাসজনিত সমস্যা, এলাৰ্জী, হাঁপানীৰ দৰে ৰোগ হ’ব পাৰে।

ঘৰৰ বতাহত অতিৰিক্ত ডিটাৰজেণ্টৰ অৱশিষ্ট থাকিলে ঘৰৰ ভিতৰৰ বায়ুৰ গুণাগুণ বেয়া হ’ব পাৰে। ইয়াৰ ফলতো নানা সমস্যা হ’ব পাৰে।

তিতা কাপোৰৰ পৰা অহা আৰ্দ্ৰতাৰ বাবে ফেনখনত ধূলি জমা হ’ব পাৰে। ইয়াৰ ফলত ফেনখন লাহে লাহে চলিব পাৰে, আনকি যান্ত্ৰিক বিজুতি ঘটিব পাৰে।

ঘৰৰ ভিতৰত কাপোৰ শুকুৱাওঁতে খিৰিকী-দুৱাৰ খুলি বায়ু চলাচল হ’ব পৰা কৰি ৰাখিব। ঘৰৰ পৰিবেশ ভাল হব। সম্ভৱ হ’লে এক্সজেষ্ট ফেন ব্যৱহাৰ কৰক।

কাপোৰবোৰ ভালদৰে চেপি লৈ তাৰ পিছত ফেনৰ তলত এইদৰে শুকাবলৈ দিব পাৰে। তেতিয়া কম সময়ৰ ভিতৰতে কাপোৰ শুকাব।