আপোনাৰ ছালত হোৱা এনে সমস্যা হ’ব পাৰে হৃদৰোগৰ ইঙ্গিত

আমাৰ দেহত ভিন্ন ধৰণে হৃদৰোগৰ লক্ষণে দেখা দিয়ে। বিশেষজ্ঞসকলে জানিবলৈ দিয়া মতে ছালতো দেখা দিয়ে হৃদৰোগৰ কিছুমান লক্ষণ।

হৃদযন্ত্ৰই যদি ভালদৰে তেজ পাম্প কৰিব নোৱাৰিলে বা দুৰ্বল হৈ পৰিলে তৰল পদাৰ্থখিনি চাৰিওফালৰ কোষত জমা হ’ব পাৰে। ইয়াৰ ফলত ভৰি ফুলিব পাৰে।

বেয়া কলেষ্টেৰলৰ মাত্ৰা বৃদ্ধি পালে ছালত হালধীয়া কমলা ৰঙৰ গুটি দেখা যায়। ই ধমনী সংকুচিত কৰা আৰু হাৰ্ট এটেক বা ষ্ট্ৰোকৰ সম্ভাৱনা বৃদ্ধি কৰে।

বহু সময়ত নখৰ তলত ৰঙা বা বেঙুনীয়া ৰঙৰ ৰেখা বিচাৰি দেখা পাব পাৰে। ৰক্তবাহী নলী সংকুচিত হৈ ছাললৈ তেজৰ সোঁতত প্ৰভাৱ পেলালে এনে হ’ব পাৰে।