দুপৰীয়া বা নিশা আহাৰ খোৱাৰ পিছত চাহ খালে কি প্ৰভাৱ পৰে দেহত?

বহু লোকৰে চাহৰ প্ৰতি এক বিশেষ আসক্তি থাকে। সেয়ে যিকোনো সময়তে চাহপ্ৰেমীসকলে পৰম তৃপ্তিৰে অত্যন্ত প্ৰিয় চাহকাপত সুখৰ চুমুক দিয়ে।

চাহপ্ৰেমীসকলৰে ভিতৰত একাংশই আকৌ দুপৰীয়াৰ আৰু ৰাতিৰ আহাৰ খোৱাৰ পিছতো চাহ খোৱা দেখা যায়। কিন্তু শৰীৰৰ বাবে এয়া ঠিক নহয়।

খাদ্য খোৱাৰ লগে লগে চাহ খালে পেট ফুলা, গেষ্ট্ৰাইটিছ, বদহজম বা অজীৰ্ণ সমস্যা হ’ব পাৰে। বিশেষকৈ গাখীৰ চাহৰ ক্ষেত্ৰত এই সমস্যাই দেখা দিয়ে।

বহুতে গাখীৰ আৰু চেনি দি চাহ খায়। ইয়াতকৈ লাল চাহ কিছু ভাল। ইয়াৰ ফলত শৰীৰৰ ক্ষতি কম হয়। মনত ৰাখিব, চাহত চেনি দিলেও সদায় কম পৰিমাণে দিব লাগে।