ডায়েবেটিছ কেনেকৈ নিয়ন্ত্ৰণত ৰাখিব?

আজিৰ সময়ত ডায়েবেটিছ এক ডাঙৰ সমস্যা। যুৱক-যুৱতীৰ পৰা আৰম্ভ কৰি বৃদ্ধলৈকে বিভিন্নজনে এই ৰোগত আক্ৰান্ত হয়। এই ৰোগ এবাৰ হ'লে ঠিক নহয়, কিন্তু নিয়ন্ত্ৰণত ৰাখিব পাৰে।

শীতকালত ডায়েবেটিছৰ সমস্যা বেছি হোৱা দেখা যায়। কিন্তু কিছুমান বিশেষ দিশ লক্ষ্য ৰাখি চুগাৰৰ মাত্ৰা নিয়ন্ত্ৰণত ৰাখিব পাৰে। এই সন্দৰ্ভত জনাইছে দিল্লীৰ জিটিবি হাস্পাতালৰ ডাঃ অজিত কুমাৰে।

চিকিৎসকগৰাকীয়ে কয় যে, ডায়েবেটিছ ৰোগীয়ে সেউজীয়া শাক-পাচলি খাব লাগে। যেনে-মূলা, পালেং, ব্ৰকলি,মেথি আদি খাব লাগে। ইয়াৰোপৰি আমলখি, কমলা, আপেল, নাচপতি আদি খাব পাৰে।

শাৰীৰিক কাৰ্যকলাপ অতি গুৰুত্বপূৰ্ণ। গতিকে প্ৰতিদিনে ব্যায়াম কৰা দৰকাৰ। ইয়াৰোপৰি ৩০-৪০ মিনিট খোজ কাঢ়িব পাৰে। ডায়েবেটিছ ৰোগীয়ে ডায়েট সলনি কৰিলে চিকিৎসকৰ পৰামৰ্শ ল'ব লাগে।