বাহিৰৰ ৰ’দৰ পৰা ভিতৰলৈ আহি লগে লগে নকৰিব এইসমূহ কাম

ৰাজ্যত এতিয়া বতৰ কিছু ডাৱৰীয়া যদিও সময়ে সময়ে ৰ’দ ওলোৱাও দেখা গৈছে। বতৰৰ এনে সঘন পৰিৱৰ্তনৰ ফলত কিছুমান সাধাৰণ ৰোগো হ’ব পাৰে।

বৰষুণৰ পিছত ৰ’দ দেখা পালে মনত আনন্দ লাগে যদিও প্ৰখৰ ৰ’দৰ বাবে দেহৰ সমস্যাও হ’ব পাৰে। সেয়ে এইক্ষেত্ৰত সাৱধানতা অৱলম্বন কৰা ভাল।

বিশেষকৈ বহুসময় ৰ’দত থকাৰ পিছত ভিতৰলৈ সোমাই আহি কিছু দিশৰ প্ৰতি গুৰুত্ব দিয়া উচিত। ৰ’দৰ পৰা ভিতৰলৈ আহি কিছুমান কাম কেতিয়াও কৰিব নালাগে।

ৰ’দৰ পৰা ভিতৰলৈ সোমায়েই লগে লগে ফেন, এচিৰ শীতল বতাহ ল’ব নালাগে। ইয়াৰ ফলত চৰ্দি, কাহ, বমি আদিৰ দৰে সমস্যাই দেখা দিব পাৰে।

ৰ’দত বহুসময় থাকিলে ধূলি-ঘামৰ বাবে দেহ অপৰিষ্কাৰ হৈ পৰে। কিন্তু ভিতৰলৈ আহি লগে লগে গা ধোৱাৰ পৰা বিৰত থাকক। প্ৰায় আধা ঘণ্টা ৰোৱাৰ পিছতহে গা ধোৱক।