তিতা কেৰেলাই ৰক্তচাপ নিয়ন্ত্ৰণত সহায় কৰে নেকি?

কেৰেলাত থকা পটাছিয়ামে প্ৰস্ৰাৱৰ জৰিয়তে অতিৰিক্ত ছডিয়াম নিৰ্গত কৰাত সহায় কৰে। নিয়মিতভাৱে কেৰেলাৰ দৰে পটাছিয়াম সমৃদ্ধ খাদ্য সেৱনে ৰক্তচাপৰ ভাৰসাম্য ৰক্ষা কৰাত সহায় কৰে।

কেৰেলাত ভিটামিন চি, কেটেচিন, গেলিক এচিডৰ দৰে এন্টিঅক্সিডেন্ট থাকে। এই যৌগবোৰে ৰক্তবাহী নলীৰ ভিতৰৰ আৱৰণৰ ক্ষতিসাধন কৰা ক্ষতিকাৰক ফ্ৰী ৰেডিকেলবোৰ নিষ্ক্ৰিয় কৰে।

কেৰেলাই ইনচুলিনৰ সংবেদনশীলতা বৃদ্ধি আৰু গ্লুক’জ শোষণ লেহেমীয়া কৰি তেজৰ চুগাৰ নিয়ন্ত্ৰণ কৰাত সহায় কৰে। ইয়াৰ উপৰিও ই ওজন নিয়ন্ত্ৰণত সহায় কৰে,ফলত ৰক্তচাপ নিয়ন্ত্ৰণত থাকে।

ই বৃক্কৰ কাৰ্যক্ষমতাও উন্নত কৰে, পানী জমা হোৱা হ্ৰাস পায় আৰু ইলেক্ট্ৰলাইটৰ ভাৰসাম্য স্বাভাৱিকভাৱে বজাই ৰখাত সহায় কৰে, যাৰ ফলত উচ্চ ৰক্তচাপত ভুগি থকাসকলৰ বাবে ই উপকাৰী।

কেৰেলাত থকা চেৰেন্টিন আৰু পলিপেপটাইড-পিকে ধৰি জৈৱ সক্ৰিয় যৌগসমূহে শৰীৰৰ প্ৰদাহজনিত কাৰকসমূহ হ্ৰাস কৰি হৃদযন্ত্ৰৰ স্বাস্থ্য আৰু অধিক উন্নত কৰাত সহায় কৰে।