ওজন হ্ৰাস কৰিবলৈ গ্ৰীণ টি কেতিয়া খাব?

ওজন নিয়ন্ত্ৰণ কৰিবলৈ প্ৰায় সংখ্যক লোকে গ্ৰীণ টি সেৱন কৰে। কিন্তু আপুনি জানেনে যে, ওজন নিয়ন্ত্ৰণৰ বাবে গ্ৰীণ টি কেতিয়া সেৱন কৰিব লাগে? 

আহাৰ খোৱাৰ লগে লগে সেউজীয়া চাহ খাব নালাগে। শৰীৰে প্ৰটিন হজম কৰিবলৈ নিৰ্দিষ্ট সময়ৰ প্ৰয়োজন হয়। সেউজীয়া চাহে এই প্ৰক্ৰিয়াত ব্যাঘাত জন্মাব পাৰে।

খালী পেটত সেউজীয়া চাহ খোৱাটো একেবাৰেই উচিত নহয়। খালী পেটত এই চাহ খালে পেটত এচিডৰ মাত্ৰা বৃদ্ধি পায়। ফলত হজম শক্তি বিঘ্নিত হয়।

খৰখেদাকৈ সেউজীয়া চাহ খালে কোনো লাভ নহয়। এই চাহ লাহে লাহে আৰু আৰামত খালেহে বিপাকীয় ক্ৰিয়াৰ হাৰ বৃদ্ধি পাব পাৰে।

ৰাতিপুৱা ৱৰ্কআউট আৰম্ভ কৰাৰ আগতে গ্ৰীণ টিৰ খালে সৰ্বোত্তম ফলাফল পোৱা যায়। ব্যায়ামৰ পূৰ্বে গ্ৰীণ টি সেৱন কৰিব পাৰে।