এইদৰে পদূনা পাত ব্যৱহাৰ কৰি ঘূৰাই আনক ছালৰ প্ৰাকৃতিক সৌন্দৰ্য

পদূনাৰ উপকাৰিতাৰ বিষয়ে কম-বেছি পৰিমাণে আমি সকলোৱে জানো। পদূনা খালে দেহে সামগ্ৰিক দিশত বহু উপকাৰিতা লাভ কৰে।

শালমন দূৰ কৰিবলৈ পদূনাৰ ৰস  লগাব লাগে। পদূনা ৰসৰ সৈতে চন্দনৰ গুৰি মিহলাই মুখত লগাব। ইয়াৰ ফলত বেক্টেৰিয়া আাঁতৰিব, ব্ৰণৰ সমস্যা হ্ৰাস পাব।

পদূনা ৰস আৰু গোলাপ জল মিহলাই এক ফেচ মিষ্ট বনাব পাৰি। এই ফেচ মিষ্ট ফ্ৰীজত ৰাখি দিনটোত দুবাৰকৈ স্প্ৰে কৰিলে ছালখন উজ্জল আৰু সতেজ দেখা যাব।

পদূনা পিচি লৈ দৈৰ লগত মিহলাই মুখত লগাব পাৰে। এনে কৰিলে ছালত শীতলতা অনুভৱ হয়। লগতে ছালৰ বিষ আৰু ৰ’দে পোৰাৰ সমস্যা হ্ৰাস পাব।

ছালৰ দাগ দূৰ কৰিবলৈ পদূনাৰ ৰস নেমুৰ ৰস আৰু মৌৰ লগত মিহলাই সপ্তাহত ২ দিন ব্যৱহাৰ কৰিব পাৰে। ইয়াৰ ফলত দাগ দূৰ হোৱাৰ লগতে ছালৰ উজ্জ্বলতা বৃদ্ধি পাব।