এছিয়া কাপ ছুপাৰ-৪ পৰ্যায়ত কেতিয়া কেতিয়া হ’ব ভাৰতৰ মেচ!

চলিত এছিয়া কাপ ২০২৫ত ইতিমধ্যেই ছুপাৰ-৪ পৰ্যায়ত প্ৰৱেশ কৰিছে ভাৰতে। অৱশ্যে আজি ভাৰতে ওমানৰ বিৰুদ্ধে অন্তিমখন গ্ৰুপ মেচ খেলিব।

গ্ৰুপ এৰ পৰা ভাৰত আৰু পাকিস্তান তথা গ্ৰুপ বিৰ পৰা শ্ৰীলংকা আৰু বাংলাদেশে প্ৰতিযোগিতাৰ ছুপাৰ-৪ৰ পৰ্যায়ৰ বাবে যোগ্যতা অৰ্জন কৰিছে।

ভাৰতে অহা ২১ ছেপ্টেম্বৰত ছুপাৰ-৪ পৰ্যায়ৰ প্ৰথমখন মেচ পাকিস্তানৰ বিপক্ষে খেলিব। প্ৰতিযোগিতাত দুয়ো দলৰ মাজত এয়া দ্বিতীয়খন মেচ।

ছুপাৰ-৪ পৰ্যায়ত শীৰ্ষ স্থান লাভ কৰা দুটা দলে ফাইনেলত প্ৰৱেশ কৰিব। ২৮ ছেপ্টেম্বৰত অনুষ্ঠিত হ’ব প্ৰতিযোগতাৰ ফাইনেল।

এইপৰ্যন্ত ভাৰতে এছিয়া কাপ প্ৰতিযোগিতাত ৮ বাৰ খিতাপ জয় কৰিছে। এইবাৰ নৱম খিতাপৰ সন্ধানত শক্তিশালী প্ৰদৰ্শন আগবঢ়াইছে ভাৰতে।